Як піша канал «Свяшчэнны Белавуд», фільм, які раней называўся «Душа войска», цяпер завецца «Душа абаронцы».
Стужка распавядае пра Мазырскі памежны атрад, які фактычна дазволіў расійскім вайскоўцам зайсці на тэрыторыю Украіны ў лютым 2022 года.
Логлайн фільма — «Захаванне міру падчас вайны — наш агульны абавязак».
«Цікава яшчэ, што праўладная дырэкцыя фестывалю аднавіла адменены ў 2021 годзе Нацыянальны конкурс, які апошнія пару гадоў называўся „Кіно маладых“.
Вось толькі цяпер удзельнічаюць у ім выключна студэнты Акадэміі мастацтваў, якія працуюць на студыі „Беларусьфільм“ ці на дзяржТБ. Незалежных кінематаграфістаў тут няма», — піша аўтар канала Тарас Тарналіцкі.
Па яго словах, працы не вылучаюцца разнастайнасцю тэм: гэта рэфлексіі на тэму Другой сусветнай вайны, праваслаўныя каштоўнасці, а таксама фільмы-партрэты дзеячаў культуры, дзяржаўных і духоўных інстытуцый.
