Фест адбудзецца 25 кастрычніка з 16:00 да 23:00 адначасова ў двух прасторах альтэрнатыўнай культуры Przychodnia і Syrena Skłot.
Мэта — падтрымаць палітвязняў і людзей з анкалагічнымі захворваннямі.
Праграма вельмі насычаная: музыка, літаратура, тэатр, кіно, лекцыі ды іншае.
Сярод музычных удзельнікаў — гурты Dzieciuki, Atesta, Torn, рэпер Mandzik.
Паэт Артур Камароўскі прэзентуе зборнік «Анатомія», актрыса Вольга Каралёнак — трасянкавую камедыю «Гдзе прэзідзент?», рэжысёр Арцём Лобач — фільм «Дом там, дзе я?».
Даследчык і падарожнік Аляксандр Гойшык правядзе лекцыю пра трохгадовае кругасветнае падарожжа.
Адбудецца паказ серыялу «Чин-Чины в Мундирах» і гутарка са Зміцерам Есіневічам.
У межах фестывалю адбудзецца мастацкая выстава «Цень» беларускіх, украінскіх і польскіх творцаў «Цень», куратар — Яраслаў Кірвель.
Аляксандр Валодзін і Іван Новаш прадставяць фотапраект «Жыццё як панк-рок».
Бонус: чайныя цырымоніі ад Tea-Mail, беларускі мерч WYRAJ і кнігі выдавецтва Prosvet.
