У Беларусі закрываюцца некалькі вядомых брэндаў адзення

13 ліпеня ў сябе ў сторыс аб закрыцці абвясціла каманда LSTR Adzieńnie, а 9 ліпеня стала вядома, што працу спыняе HONAR.

Брэнд Honar заснавалі Павел Доўнар і Карына Адзесенка, каб ствараць «сучаснае беларускае адзенне для людзей, якія маюць гонар». Крама спыніць сваю дзейнасць 19 ліпеня. Каманда папрасіла ўсіх выкарыстаць сертыфікаты да гэтай даты.

Вядомы беларускі streetwear-брэнд LSTR Adzieńnie з'явіўся ў 2011 годзе.

«Дарагія сябры! Наш брэнд спыняе сваю працу. Шчыра дзякуем вам за тое, што ўвесь гэты час былі побач з намі, за ваш давер і падтрымку! Па пытаннях падарункавых сертыфікатаў, калі ласка, пішыце ў дырэкт», – напісала каманда LSTR.