Для каго:
Мясцовыя каманды з 2–3 чалавек, якія працуюць з палітыкамі і практыкамі, звязанымі з доступам моладзі да сацыяльных правоў.

У камандзе могуць быць:

• Прадстаўнікі(-цы) мясцовых або рэгіянальных уладаў;
• Моладзевыя работнікі(-цы);
• Прадстаўнікі(-цы) моладзевых арганізацый;
• Спецыялісты(-кі) сацыяльных і грамадскіх службаў;
• Прадстаўнікі(-цы) адукацыйных, жыллёвых, медыцынскіх або працоўных сэрвісаў;
• Каардынатары(-кі) мясцовых ініцыятыў і структур удзелу.

Абавязкова: у кожнай камандзе мусіць быць мінімум адзін(-на) прадстаўнік(-ца) мясцовай або рэгіянальнай улады ці адпаведнай структуры.

Пра курс:
ACCESS! – Training Course for Local Action on Young People’s Social Rights — гэта доўгатэрміновы змяшаны навучальны працэс ад моладзевага сектара Савета Еўропы.

Курс прысвечаны таму, як на мясцовым узроўні паляпшаць доступ маладых людзей да сацыяльных правоў: жылля, адукацыі, працы, здароўя, культуры, вольнага часу і ўдзелу ў прыняцці рашэнняў.

Асаблівая ўвага — моладзі з раёнаў і супольнасцяў, якія сутыкаюцца з беднасцю, выключэннем, дыскрымінацыяй і абмежаваным доступам да якасных сэрвісаў.

Што будзе ў праграме:

• Анлайн-модуль перад семінарам;
• 6-дзённы семінар у Еўрапейскім моладзевым цэнтры ў Страсбургу;
• Ментарства і коўчынг для каманд;
• Распрацоўка лакальнага дзеяння ў сваёй супольнасці;
• Абмен досведам з іншымі мясцовымі камандамі;
• Магчымая дадатковая падтрымка і прасунуты семінар у 2027 годзе.

Калі і дзе:
Анлайн-модуль: апошнія два тыдні верасня 2026 года, прыкладна 1–2 гадзіны на тыдзень.

Семінар: 6–11 кастрычніка 2026 года
European Youth Centre, Страсбург, Францыя.

Пра лакальнае дзеянне:
Кожная каманда павінна распрацаваць і пачаць рэалізоўваць мясцовую ініцыятыву, якая паляпшае доступ моладзі да сацыяльных правоў.

Ініцыятыва павінна:

• Адказваць на канкрэтны мясцовы выклік;
• Уключаць актыўны ўдзел маладых людзей;
• Аб’ядноўваць розныя сектары: моладзевую палітыку, сацыяльныя сэрвісы, адукацыю, жыллё, здароўе, удзел;
• Мець патэнцыял для працяглай супрацы на мясцовым узроўні.

Важна: Савет Еўропы не фінансуе лакальныя дзеянні. Адказнасць за рэалізацыю і магчымы пошук сродкаў ляжыць на ўдзельніках(-цах), іх арганізацыях або мясцовых уладах.

Мовы:
Англійская і французская. Падчас семінара будзе сінхронны пераклад.

Прапануецца:

• Пражыванне і харчаванне ў Страсбургу;
• Кампенсацыя дарогі паводле правілаў Савета Еўропы;
• Кампенсацыя візавых выдаткаў, калі патрэбная віза;
• Запрашальны ліст для візы;
• Ментарская і інстытуцыйная падтрымка для каманд.

Унёсак:
Кожны(-ая) ўдзельнік(-ца) плаціць рэгістрацыйны ўнёсак 72 EUR. Ён будзе адняты з кампенсацыі дарогі або аплачаны падчас курса.

Для падачы патрэбны:
Каманда падае адну супольную заяўку.

У заяўцы трэба апісаць:

• Ідэю лакальнага дзеяння — да 300 слоў, па-англійску або па-французску;
• Склад каманды, ролі ўдзельнікаў(-ц) і іх інстытуцыйны досвед;
• Як каманда прадстаўляе міжсектарны падыход.

Лісты падтрымкі на этапе падачы не абавязковыя, але арганізатары могуць папрасіць дадаткова пацвердзіць інстытуцыйную падтрымку.

Падача:
Праз анлайн-форму Савета Еўропы.

https://go.coe.int/4caEM
https://forms.office.com/e/vrypfzMA3A