Мы, мігрант:кі ў Польшчы, ведаем, што такое мігрантафобія: яна ў навінах, у камэнтарах, у паведамленьнях пра напады. Бывае страшна. Але гэта не ўся праўда пра наша жыцьцё тут.

Бо ёсьць і іншае. Суседка, якая вітаецца з намі на лесьвіцы, хоць мы ня ведаем яе імя. Сусед, які прытрымаў дзьверы ці ўсьміхнуўся нашаму дзіцяці. Пані ў ліфце з яе «Dzień dobry». Гэта малыя знакі, і яны кажуць: «я цябе бачу, ты тут свой/свая/свае». Іх больш, чым здаецца, проста на фоне трывогі мы іх не заўважаем.

Напярэдадні 9 лістапада, гадавіны Крыштальнай ночы, мы памятаем, што лёс «чужых» залежыць ад таго, ці бачаць у іх суседзяў. І выбіраем засяродзіцца на тым, што нас аб'ядноўвае: на добрасуседзтве як штодзённай практыцы, якую можна заўважаць, умацоўваць і ствараць.

Для каго: мігранты(-кі), якія жывуць у Польшчы.

Што будзе:

• у бяспечнай прасторы вы зможаце назваць тое, што вас трывожыць, каб адпусціць і рушыць далей;
• узгадаеце малыя знакі добрасуседства ў вашым жыцці;
• створыце калажы са станоўчымі вобразамі добрасуседства: якім яно ёсць і якім вы хочаце яго бачыць;
• зробіце ўласны калаж і вызначыце адзін просты крок на наступны тыдзень.

Важна: умець маляваць не трэба — часопісы, фота, тэкстуры прынясуць арганізатары(-кі). Можна прынесці і свае выразкі, фатаграфіі ці рэчы, якія для вас пра дом і суседства.

Калі і дзе:

• дата: 8 лістапада 2026 года (нядзеля);
• час: 13:00–16:30;
• месца: Варшава.

Арганізатары: праваабарончая арганізацыя Human Constanta пры падтрымцы educatkollektiv Cultures_of_remembrance.