Праграма для беларусаў(-рак), якія хочуць лепш разумець, як працуюць дзяржава і грамадства, і выйсці за межы сваёй прафесіі. Арганізатары(-кі) асабліва чакаюць:

• Менеджараў(-ак), юрыстаў(-ак), эканамістаў(-ак), IT-спецыялістаў(-ак), аналітыкаў;
• Даследчыкаў(-ц), журналістаў(-ак), выкладчыкаў(-ц) і прадпрымальнікаў(-ц);
• Супрацоўнікаў(-ц) NGO, адукацыйных і міжнародных праектаў;
• Маладых спецыялістаў(-ак), якія хочуць пашырыць прафесійны кругагляд.

Калі вы ўжо ўдзельнічалі ў папярэдніх праграмах «Кадравага Рэзерву», падаць заяўку можна зноў: новая праграма адрозніваецца па структуры, маштабе і змесце.

Фармат:

• Анлайн, 152 гадзіны навучання ў тры ступені;
• Лекцыі праходзяць у Zoom Webinar: імёны не паказваюцца іншым, камеру і мікрафон уключаць не трэба;
• Арганізатары(-кі) не публікуюць спісы ўдзельнікаў(-ц).

Што прапануецца:

Паслядоўны курс, які звязвае веды з розных сфер у адну карціну. Сярод тэм:

• Дзяржава, права і грамадзянская супольнасць;
• Беларусь у глабальным кантэксце і найноўшай гісторыі;
• Публічнае кіраванне;
• Палітычныя і грамадскія працэсы;
• Інтарэсы і механізмы прыняцця рашэнняў;
• Канфлікты і перамовы;
• Інфармацыя і камунікацыі.

Удзел мае два ўзроўні. Хто запоўніць анкету, атрымлівае інфармацыю пра навучанне і спасылкі на адкрытыя анлайн-лекцыі. Хто дадаткова далучыцца да «Кадравага Рэзерву», атрымлівае:

• Запісы лекцый;
• Дадатковыя навучальныя матэрыялы;
• Інфармацыю пра новыя адукацыйныя праграмы;
• Запрашэнні на асобныя праграмы і мерапрыемствы;
• Магчымасць удзельнічаць у адукацыйных і азнаямляльных паездках;
• Доступ да супольнасці людзей з розным прафесійным і грамадскім досведам.

Для заяўкі патрэбныя:

• Імя і прозвішча, e-mail і год нараджэння (абавязкова);
• Сфера, у якой вы хацелі б працаваць у Новай Беларусі (абавязкова);
• Згода на апрацоўку персанальных даных (абавязкова);
• Спасылкі на профілі ў сацыяльных сетках — каб арганізатары(-кі) упэўніліся, што вы рэальны чалавек;
• Па жаданні — Telegram, пол, узровень улады і рэгіён, дзе хацелі б працаваць.

Як падавацца:

Запоўніце анкету на сайце «Кадравага Рэзерву»(знешні сайт) і адзначце пункт пра ўдзел у адукацыйнай праграме «Агенты перамен: місія выканальная». Па змоўчанні каманда бачыць код замест вашага імя; выкарыстоўваць сапраўднае імя ў перапісцы можна толькі з вашай згоды.

Удзельнікі(-цы) папярэдніх праграм могуць запісацца праз свой кабінет на адукацыйнай платформе(знешні сайт).

Арганізатар:

Кампанія «Кадравы Рэзерв» (Fundacja Personnel Reserve, Варшава) рыхтуе адміністрацыйныя кадры для дэмакратычнай Беларусі. Праграма рэалізуецца пры падтрымцы Еўрапейскага Саюза.