Для каго: мастакі(-чкі) і аўтары(-кі) з усіх мастацкіх дысцыплін.

Падавацца могуць кандыдаты(-кі), якія:

• Маюць базавыя камунікацыйныя навыкі на англійскай або кітайскай мове;
• Могуць самастойна праводзіць палявое даследаванне;
• Здольныя планаваць, рэалізоўваць і кіраваць сваім рэзідэнцкім праектам.

Магчымыя фокусы:

• Гідралогія — рачныя басейны, водныя сістэмы і кіраванне вадой;
• Фізіка-геаграфічны кантэкст — археалогія, глеба, метэаралогія, рэльеф;
• Экалогія — водная, земнаводная і наземная флора і фаўна;
• Гуманітарны кантэкст — культура карэнных супольнасцей, сельскагаспадарчая, рачная і экалагічная культура.

Арганізатары таксама заахвочваюць працаваць з культурнай спадчынай Тайнаня і асяроддзем Tsung-yeh Arts and Cultural Center.

Працягласць: мінімум 45 дзён, максімум 90 дзён. У заяўцы трэба выбраць і ранжыраваць 3 пажаданыя перыяды:

• 4 студзеня — 9 красавіка 2027 года;
• 7 красавіка — 6 ліпеня 2027 года;
• 31 траўня — 30 жніўня 2027 года.

Што прапануецца:

• Грант на жыццёвыя выдаткі і творчыя ганарары — да 30 000 TWD у месяц / ≈ 805 EUR, максімум на 3 месяцы;
• Бясплатнае пражыванне ў асобным нумары;
• Ровар;
• Выставачная прастора з базавым абсталяваннем;
• Доступ да мультымедыйнага абсталявання, агульнай студыі і базавых інструментаў;
• Адміністрацыйная падтрымка ад Tsung-yeh Arts and Cultural Center.

Асобны бюджэт на вытворчасць:

Прадугледжаны бюджэт на матэрыялы і вытворчасць выставы — да 150 000 TWD / ≈ 4023 EUR. Гэтыя сродкі могуць выкарыстоўвацца на матэрыялы для прац, вытворчасць выставы, друк, пераклад, страхаванне, прэс-канферэнцыю і матэрыялы для воркшопа. Закупкі адбываюцца праз Tsung-yeh Arts and Cultural Center паводле дзяржаўных працэдур.

Важна: жыццёвыя выдаткі і ганарары выплачваюцца часткамі паводле кантракта. Арганізатары раяць мець з сабой мінімум адзін месяц уласных сродкаў на першыя патрэбы — прыкладна 15 000–20 000 TWD.

Што трэба зрабіць падчас рэзідэнцыі:

• Правесці адну выніковую выставу;
• Правесці мінімум адзін варкшоп для бацькоў і дзяцей;
• Удзельнічаць у абменных актыўнасцях AIR;
• Падрыхтаваць справаздачу пра рэзідэнцыю і запоўніць анкету;
• Калі праца патрабуе зборкі або разборкі — падрыхтаваць інструкцыю па мантажы і захоўванні.

Для падачы патрэбны:

• Анлайн-заяўка;
• CV;
• Праектны план рэзідэнцыі;
• Мінімум адзін рэкамендацыйны ліст з рукапісным або лічбавым подпісам. Рэкамендацыйныя лісты трэба загрузіць праз сістэму да дэдлайну. Пасля закрыцця сістэмы даслаць іх email-ам ужо нельга.

Таймлайн:

• Дэдлайн — 31 жніўня 2026 года, 23:59 паводле тайваньскага часу;
• Разгляд заявак — верасень 2026 года;
• Вынікі — канец лістапада 2026 года;
• Рэзідэнцыя — студзень — жнівень 2027 года, у залежнасці ад абранага перыяду.

Арганізатары: Cultural Affairs Bureau of Tainan City Government і Tsung-yeh Arts and Cultural Center.