Перайсці да асноўнага зместу

AIR in Tainan — рэзідэнцыя ў Тайвані пра цукар, соль і лакальныя культуры

31 жніўня 2026, 5:59 UTC+8
Tainan, Тайвань
Бясплатна
1 931 EUR

AIR in Tainan Artists-in-Residence Program 2027 — рэзідэнцыя ў Soulangh Cultural Park у Тайнані, Тайвань. Парк знаходзіцца на тэрыторыі былой цукровай фабрыкі ў раёне Jiali — геаграфічным цэнтры так званай саляной зямлі Тайнаня. Раней гэтая тэрыторыя была важным месцам жыцця Siraya — карэннай супольнасці Тайваня. Рэгіён таксама вядомы даоскімі храмамі, лакальнымі рытуаламі і centipede parades.

Для каго: мастакі(-чкі) і аўтары(-кі) з усіх мастацкіх дысцыплін.

Падавацца могуць кандыдаты(-кі), якія:

  • Маюць базавыя камунікацыйныя навыкі на англійскай або кітайскай мове;
  • Могуць самастойна праводзіць палявое даследаванне;
  • Здольныя планаваць і рэалізоўваць рэзідэнцкі праект.

Тэмы 2027 года — цукар, соль і лакальныя культуры. Арганізатары заахвочваюць працаваць з гісторыяй, ландшафтамі, культурай і спадчынай гэтага рэгіёна, а таксама ўключаць асяроддзе Soulangh у творчыя працы, у тым ліку ў адкрытай прасторы.

Рэзідэнцыя пройдзе ў 2027 годзе. У заяўцы трэба выбраць і ранжыраваць 3 пажаданыя перыяды:

  • 2 сакавіка — 31 траўня 2027 года;
  • 1 красавіка — 30 чэрвеня 2027 года;
  • 2 жніўня — 1 лістапада 2027 года.

Дакладная дата адкрыцця выставы і выставачны перыяд будуць узгодненыя пасля адбору.

Што прапануецца:

  • Грант на жыццёвыя выдаткі — да 800 TWD у дзень, максімум 72 000 TWD / ≈ 1931 EUR за 90 дзён;
  • Дадатковая выплата на творчую / выставачную працу — да 200 TWD у дзень, максімум 18 000 TWD / ≈ 483 EUR за 90 дзён;
  • Бясплатнае пражыванне ў асобным нумары;
  • Ровар;
  • Выставачная прастора;
  • Доступ да мультымедыйнага абсталявання, агульнай студыі і базавых інструментаў;
  • Базавая арганізацыйная падтрымка ад каманды Soulangh Cultural Park.

Асобны бюджэт на матэрыялы:

Прадугледжаны бюджэт на матэрыялы і вытворчасць выставы — да 150 000 TWD / ≈ 4023 EUR.

Гэтыя сродкі могуць выкарыстоўвацца на матэрыялы для прац, вытворчасць выставы, друк, пераклад на кітайскую або англійскую мову, страхаванне прац, прэс-канферэнцыю і матэрыялы для варкшопа. Закупкі адбываюцца праз Soulangh Cultural Park паводле ўнутраных працэдур.

Важна: Выплаты адбываюцца часткамі паводле кантракта і дзяржаўных працэдур. Арганізатары раяць мець з сабой мінімум адзін месяц уласных сродкаў на першыя патрэбы — прыкладна 15 000–20 000 TWD.

Што трэба зрабіць падчас рэзідэнцыі:

  • Правесці выніковую выставу;
  • Правесці мінімум адзін варкшоп для бацькоў і дзяцей або дзень адкрытай студыі;
  • Удзельнічаць у абменных актыўнасцях AIR;
  • Падрыхтаваць справаздачу пра рэзідэнцыю і запоўніць анкету;
  • Калі праца патрабуе зборкі або разборкі — падрыхтаваць інструкцыю па мантажы і захоўванні.

Для падачы патрэбны:

  • Анлайн-заяўка;
  • CV;
  • Праектны план рэзідэнцыі;
  • Мінімум адзін рэкамендацыйны ліст з рукапісным або лічбавым подпісам.

Калі для праекта патрэбныя асістэнты(-кі), гэта трэба пазначыць у праектным плане. Дадатковага фінансавання на іх не прадугледжана.

Таймлайн:

  • Дэдлайн — 31 жніўня 2026 года, 23:59 паводле тайваньскага часу;
  • Разгляд заявак — верасень 2026 года;
  • Вынікі — лістапад 2026 года.

Арганізатары: Cultural Affairs Bureau of Tainan City Government, Tainan Culture Foundation і Soulangh Cultural Park.

Даведацца больш >