Akademie Schloss Solitude: Ignore All Previous Instructions — анлайн-рэзідэнцыі для лічбавых практык
Дзесяты Web Residencies Call No. 22 «Ignore All Previous Instructions» ад Akademie Schloss Solitude курыруе арт-дуэт !Mediengruppe Bitnik. Праграма запрашае творцаў стварыць працы, якія кідаюць выклік экстрактыўным лічбавым платформам і сістэмам штучнага інтэлекту. Да дзесяцігоддзя Web Residencies арганізатары вяртаюцца да пытання першага конкурсу 2016 года: дзе сустракацца анлайн, калі лічбавыя платформы манапалізаваныя і ўсё часцей выкарыстоўваюцца як інструменты кантролю, маніпуляцыі і ўплыву?
Гэты выпуск даследуе, як перарываць паноўныя тэхналагічныя логікі — ад adtech-сачэння да ўразлівасцей prompt injection — і ўяўляць альтэрнатыўныя структуры, прасторы і спосабы камунікацыі. Арганізатары шукаюць прапановы, якія «ўзломваюць», глічаць і парушаюць існыя сістэмы, абапіраючыся на сітуацыянісцкую стратэгію détournement.
Для каго: мастакі(-чкі) любых дысцыплін, без узроставых абмежаванняў.
Можна падаваць ужо існуючы праект, калі ён яшчэ не завершаны, працэсуальны па сваёй прыродзе і можа быць убудаваны ў анлайн-асяроддзе Akademie Schloss Solitude;
Прапануецца: шэсць абраных праектаў атрымаюць чатырохтыднёвую анлайн-рэзідэнцыю, анлайн-прэзентацыю праекта і грант 1200 EUR.
Таймлайн:
- Дэдлайн падачы заявак — 7 жніўня 2026 года, 18:00 (CEST);
- Неабавязковы аднадзённы анлайн-воркшоп па кодзінгу — 17 верасня 2026 года;
- Абвяшчэнне рашэння журы (па пошце) — верасень 2026 года;
- Праходжанне Web Residencies — з 22 верасня па 22 кастрычніка 2026 года;
- Запуск праектаў Web Residency — кастрычнік–лістапад 2026 года.
Для падачы патрэбны:
- Загаловак праекта;
- Гарызантальная выява (JPEG або PNG, менш за 400 KB);
- Кароткі тэкст канцэпцыі на англійскай мове (1000–1500 знакаў);
- Кароткі тэкст пра фармат прэзентацыі праекта (500 знакаў);
- Кароткая біяграфія (400 знакаў);
- Папярэднія працы/праекты з указаннем года (300 знакаў);
- Прэміі і стыпендыі/гранты з указаннем года (300 знакаў);
- PDF-партфоліа і/або апісанне праекта (да 10 старонак, да 10 МБ);
- Дадатковыя спасылкі на папярэднія працы.
Пытанні — на webresidencies@akademie-solitude.de.
Арганізатар: Akademie Schloss Solitude, Штутгарт, Германія; куратары(-кі) — арт-дуэт !Mediengruppe Bitnik.