Для каго:

Для людзей, якія жывуць у Барселоне або могуць рэгулярна даязджаць да галерэі: працаваць трэба на месцы. У форме заяўкі вы пазначаеце, хто вы — мастак(-чка), студэнт(-ка) мастацкай спецыяльнасці або аматар(-ка) мастацтва.

Арганізатары(-кі) асабліва чакаюць кандыдатаў(-так), у якіх ёсць:

• Адукацыя ў галіне гісторыі мастацтва, выяўленчага мастацтва, культурнага менеджменту, графічнага дызайну або ў сумежнай сферы;
• Моцная цікавасць да сучаснага мастацтва;
• Выдатная вусная і пісьмовая англійская (іспанская — вялікі плюс);
• Добрае валоданне Adobe Creative Suite (Photoshop, InDesign);
• Досвед працы з Instagram, LinkedIn і Facebook;
• Арганізаванасць, уважлівасць да дэталяў, уменне працаваць і самастойна, і ў камандзе.

Досвед у галерэі, музеі, на мастацкім кірмашы або ў культурным праекце пажаданы, але не абавязковы.

Фармат:

• Стажыроўка ў галерэі Al-Tiba9 у Барселоне (Carrer Comerç 11);
• Мінімум 3 месяцы;
• Поўная або частковая занятасць — не менш за 3 дні на тыдзень;
• Пажаданыя даты пачатку і заканчэння вы называеце ў заяўцы.

Што прапануецца:

• Практычны досвед адначасова ў міжнароднай галерэі сучаснага мастацтва і ў мастацкім часопісе;
• Праца побач з куратарскай і рэдакцыйнай камандай;
• Кампенсацыя праезду ў гарадскім транспарце Барселоны (аўтобус і метро);
• Пры патрэбе галерэя можа аформіць стажыроўку для заліку ў вашай навучальнай установе (school credit).

Стажыроўка неаплатная.

Што чакаецца ад удзельнікаў(-ц):

• Дапамога ў штодзённай працы галерэі і з выставамі;
• Даследаванні для куратарскіх і рэдакцыйных праектаў;
• Дапамога з прэс-рэлізамі, інтэрв'ю і анлайн-матэрыяламі для часопіса;
• Праца з сацсеткамі і маркетынгам;
• Дапамога на адкрыццях выставаў, мастацкіх кірмашах і іншых падзеях;
• Дапамога з перамяшчэннем, пакаваннем і адпраўкай твораў.

Для заяўкі патрэбныя:

• CV;
• Кароткі матывацыйны ліст;
• Партфоліа або спасылкі на працы — калі ёсць;
• Інфармацыя пра тое, на поўную ці частковую занятасць вы падаецеся (пры частковай — колькі дзён на тыдзень), і пра вашу даступнасць;
• Адказы на пытанні анлайн-формы: месца навучання і спецыяльнасць, мовы і іх узровень, лічбавыя і іншыя навыкі, досвед працы або валанцёрства ў мастацтве, чаму вы хочаце стажыравацца ў Al-Tiba9 і што спадзяецеся атрымаць (па кароткім абзацы);
• Акаўнт у Instagram — абавязковае поле формы.

Як падавацца:

• Дашліце CV, матывацыйны ліст і партфоліа на gallery@altiba9.com;
• Запоўніце анлайн-форму(знешні сайт) на старонцы стажыроўкі;
• Дадатковыя матэрыялы да формы дасылайце на той жа адрас з тэмай ліста «Gallery internship application»;
• У форму CV і партфоліа дадаюцца спасылкай: толькі публічныя папкі Google Drive або Dropbox, файлы толькі ў PDF; спасылкі WeTransfer не прымаюцца.