Для каго:
Аўтары(-кі), рэжысёры(-кі), прадзюсары(-кі), школы, студыі і дыстрыб’ютары, якія хочуць дадаць анімацыйны фільм у калекцыю Animation HUB.

Асабліва актуальна для кароткаметражнай анімацыі, студэнцкіх фільмаў, дзіцячых праграм, серый, поўнаметражных прац і іншых анімацыйных фарматаў.

Пра платформу:
Animation HUB — еўрапейская анлайн-платформа для адкрыцця і прасоўвання якаснай анімацыі, перадусім з Цэнтральнай і Усходняй Еўропы.

Платформа створаная і развіваецца CEE Animation. Яе мэта — даць анімацыйным фільмам больш доўгае жыццё пасля фестывальных паказаў і зрабіць іх даступнымі для шырэйшай аўдыторыі.

У калекцыі могуць быць:

• Кароткаметражныя фільмы;
• Серыялы;
• Поўнаметражныя фільмы;
• Студэнцкія працы;
• Фільмы для дзяцей і падлеткаў;
• Тэматычныя калекцыі;
• Матэрыялы пра стварэнне фільмаў.

Што можна падаць:
Анімацыйны фільм або некалькі фільмаў для разгляду і магчымай публікацыі ў бібліятэцы Animation HUB.

Калі вы хочаце падаць некалькі фільмаў, арганізатары просяць звязацца з імі наўпрост праз email, каб узгадніць фармат спісу і падачы.

У форме трэба пазначыць:

• Імя і email;
• Спасылку на фільм — платную або бясплатную;
• Арыгінальную і англійскую назву;
• Год вытворчасці;
• Краіну або краіны вытворчасці;
• Мову фільма і інфармацыю пра субтытры;
• Хронометраж;
• Рэжысёраў(-ак), прадзюсараў(-ак), кампаніі, школы;
• Анімацыйную тэхніку;
• Апісанне або сінопсіс;
• Мэтавую аўдыторыю, катэгорыю, жанры і тэмы;
• Фестывальныя адборы і ўзнагароды, калі ёсць;
• Трэйлер, сайт або старонкі фільма.

Анімацыйныя тэхнікі:
У форме можна пазначыць, напрыклад:

• 2D-анімацыю;
• 3D-анімацыю;
• Стоп-моушн;
• Маляваную анімацыю;
• Калажную анімацыю;
• Пластылінавую анімацыю;
• Пясочную анімацыю;
• Лялечную анімацыю;
• Ротаскопію;
• Motion graphics;
• VR;
• Змяшаныя тэхнікі;
• AI;
• Іншае.

Важна:
Пры падачы трэба пагадзіцца з Licensing Policy і Terms of Service платформы.

Падача:
Праз анлайн-форму на сайце Animation HUB.

https://animationhub.eu/film-submission/