Для каго: мастакі(-чкі), дызайнеры(-кі), творцы і мастацкія калектывы з досведам на стыку мастацтва, навукі і працы з супольнасцямі.

Падавацца могуць кандыдаты(-кі), якія:

• Маюць больш за 5 гадоў прафесійнай творчай практыкі;
• Маюць досвед міждысцыплінарнага супрацоўніцтва;
• Працавалі з навукоўцамі або маюць моцную базу ў міждысцыплінарных праектах;
• Маюць досвед працы з супольнасцямі;
• Могуць працаваць і падарожнічаць у ЕС.

Абмежаванняў па грамадзянстве няма. Можна падавацца індывідуальна або калектывам.

Адабраныя ўдзельнікі(-цы) будуць працаваць з мясцовымі навукоўцамі і распрацуюць:

• Прасторавую мастацкую працу ArtXScience, якая выходзіць за межы экранных фарматаў;
• Фармат уключэння лакальнай супольнасці, звязаны з гэтай працай.

Фінальны вынік будзе прадстаўлены на Ars Biologica Festival вясной 2028 года.

У праграме ёсць два даследчыя напрамкі:

• Глебавыя мікраарганізмы — іх роля ў глабальных зменах, цыклах вугляроду і азоту, выкідах парніковых газаў і стане экасістэм;
• Водныя мікраарганізмы — нябачнае жыццё прэснаводных экасістэм, якасць вады, рыбныя сажалкі, рэкі, вадасховішчы і ўплыў кліматычных змен і чалавечай дзейнасці.

На кожны напрамак абяруць аднаго(-у) мастака(-чку) або адзін калектыў. Можна падавацца на абодва напрамкі, але трэба даслаць асобныя заяўкі.

Праграма будзе доўжыцца са студзеня 2027 да красавіка 2028 года і спалучае дыстанцыйную працу з некалькімі рэзідэнцыямі ў Чэске-Будзеёвіцэ.

Чакаецца ўдзел у:

• Стартавай сустрэчы анлайн і афлайн (пачатак 2027 года);
• Першай рэзідэнцыі да 1 месяца ў лютым / сакавіку 2027 года;
• Дыстанцыйных і афлайн-сустрэчах з навукоўцамі і камандамі Ars Biologica і Ars Electronica;
• Магчымай другой рэзідэнцыі да 1 месяца ў жніўні / верасні 2027 года;
• Завяршальнай рэзідэнцыі да 1 месяца ў сакавіку 2028 года для мантажу, працы падчас фестывалю і дэмантажу.

Прапануецца агульнае фінансаванне — 24 000 EUR, у тым ліку:

• 6000 EUR — ганарар мастака(-чкі);
• Да 15 000 EUR — вытворчы бюджэт;
• Да 3000 EUR — транспарт, паездкі, пражыванне і жыццёвыя выдаткі;
• Асобна пакрываецца пражыванне падчас месячнага знаходжання ў Чэске-Будзеёвіцэ;
• Падтрымка ў распрацоўцы і вытворчасці праекта ад каманд Ars Biologica і Ars Electronica;
• Праца з экспертамі(-камі) ў кліматычна ўстойлівай сельскай гаспадарцы і навуковай камунікацыі;
• Міжнародная бачнасць праз Ars Biologica Festival;
• Фота- і відэадакументацыя публічных актыўнасцей і фінальнай працы;
• Магчымае далейшае ўключэнне ў Ars Electronica Festival.

Крытэрыі адбору:

• Арыгінальнасць ідэі;
• Патэнцыял працы з лакальнай супольнасцю;
• Якасць партфоліа;
• Досвед у міждысцыплінарных і навукова-мастацкіх праектах;
• Рэалістычнасць праекта ў межах часу і бюджэту.

Для падачы патрэбны:
• Назва праекта;
• Апісанне праекта — да 250 словаў;
• Абраны навуковы напрамак і тлумачэнне выбару — да 100 словаў;
• Апісанне мастацкага бачання — да 100 словаў;
• Апісанне працы з лакальнай супольнасцю — да 100 словаў;
• Кароткі пітч: чаму лакальнай супольнасці можа быць цікавы ваш праект — 3–30 словаў;
• Спасылка на візуальныя матэрыялы — рэкамендуюць 3–7 выяваў;
• Спасылка на сайт або партфоліа;
• Апцыйна — кароткае відэа да 1 хвіліны.

Другі этап:
3–5 мастакоў(-чак) запросяць на інтэрв’ю з навукоўцамі абранага напрамку і прадстаўніком(-цай) Ars Electronica.

Таймлайн:
• Дэдлайн — 28 верасня 2026 года, поўнач CET;
• Вынікі — лістапад 2026 года;
• Праграма — студзень 2027 — красавік 2028 года;
• Фінальная прэзентацыя — Ars Biologica Festival вясной 2028 года.

Калі Google Forms недаступныя, можна напісаць арганізатарцы:
zita.cechova@budejovice2028.cz