Для каго:

• Мастакі(-чкі) і калектывы, даследчыкаў(-ц) і куратараў(-ак) любога грамадзянства, без узроставых абмежаванняў;
• Не менш за пяць гадоў прафесійнай практыкі;
• Досвед паказу сваіх работ або даследаванняў на міжнародным узроўні;
• Мастацкія дысцыпліны: візуальныя, сцэнічныя і лічбавыя мастацтвы;
• Даследчыя галіны: гуманітарныя і сацыяльныя навукі, навука, тэхналагічныя інавацыі, экалогія.

Пра рэзідэнцыю:

Ёсць дзве праграмы:

• SOLO — толькі для асобных мастакоў(-чак);
• COLLECTIVE — для калектываў мастакоў(-чак) або для пары «мастак(-чка) + даследчык(-ца) ці куратар(-ка)».

Рэзідэнцыя доўжыцца 3 або 6 месяцаў — канчатковую працягласць вызначае камісія. Дзве сесіі: сакавік — жнівень 2027 года і верасень 2027 — люты 2028 года. Месца — Cité internationale des arts.

Камісія ацэньвае досвед заяўніка(-цы) і якасць праекта. Асаблівую ўвагу звяртаюць на сувязь праекта з тэмамі рэзідэнцыі (мастацтва і навука, сучасныя сацыяльныя, палітычныя, экалагічныя і тэхналагічныя пытанні) і на тое, наколькі для яго развіцця важна быць менавіта ў Францыі.

Што прапануецца (SOLO):

• Мэбляваная і абсталяваная студыя для жыцця і працы каля 50 м² (спальня, працоўная зона, кухня, ванны пакой);
• Стыпендыя 1000 EUR на месяц;
• Вытворчы грант 3000 EUR;
• Дарога ў Парыж і назад.

Што прапануецца (COLLECTIVE):

• Адна студыя каля 50 м² на калектыў: працоўную прастору можна дзяліць;
• Стыпендыя 2000 EUR на месяц на ўвесь калектыў;
• Вытворчы грант 3000 EUR на ўвесь калектыў;
• Дарога туды і назад для кожнага(-ай) ўдзельніка(-цы) з лімітам 2000 EUR.

Таксама ўсім рэзідэнтам(-кам):

• Індывідуальная куратарская падтрымка і знаёмствы з інстытуцыямі, архівамі і даследчыкамі(-цамі), важнымі для праекта;
• Вытворчая падтрымка: дапамога з матэрыяламі, пошук майстэрняў у Парыжы, парады па бюджэце, графіку і юрыдычных пытаннях;
• Штотыднёвыя студыйныя візіты французскіх і міжнародных прафесіяналаў(-ак) — дырэктараў(-ак) інстытуцый, куратараў(-ак), галерыстаў(-ак);
• Ментарскія сустрэчы з Marcella Lista (Centre Pompidou), Sandra Terdjman (KADIST, AFIELD) і Marc Spiegler (былы дырэктар Art Basel).

Што чакаецца ад удзельнікаў(-ц):

• Прыняць даты рэзідэнцыі, якія прызначыць камісія, і выконваць агульныя правілы;
• Удзельнічаць у жыцці праграмы;
• Абавязкова ўдзельнічаць у фестывалі «Ateliers ouverts: les Rencontres de Montmartre» (двойчы на год, у лютым і чэрвені): адкрыць сваю майстэрню для публікі і прапанаваць варкшоп, перфоманс або іншую інтэрвенцыю;
• Фінальная прэзентацыя працы ў канцы рэзідэнцыі не патрабуецца.

Арганізатары таксама заахвочваюць (але не абавязваюць) працаваць з супольнасцямі — асацыяцыямі, адукацыйнымі і сацыяльнымі арганізацыямі.

Для заяўкі патрэбныя:

• Апісанне праекта, які вы будзеце развіваць падчас рэзідэнцыі (агульная ідэя, этапы і г.д.), — да 2 старонак; абавязкова растлумачце, чаму праекту патрэбна быць у Францыі (канцэптуальна, геаграфічна, практычна, праз сацыяльныя сувязі);
• Партфоліа з папярэднімі праектамі, звязанымі з заяўленым, — да 15 старонак;
• Падрабязнае CV — да 2 старонак;
• Кароткае апісанне дзейнасці і варкшопаў з рознай публікай (асацыяцыі, школы і г.д.) — да 1500 знакаў з прабеламі.

Калектывы падаюць заяўку па тых самых правілах. Падача бясплатная.

Дэдлайн: 30 кастрычніка 2026 года, 23:59.

Вынікі для першай сесіі абвесцяць у студзені 2027 года, для другой — у чэрвені 2027 года.

artexplora.org · поўныя ўмовы (PDF)