Для каго: архітэктары(-кі) з усяго свету на раннім або сярэднім этапе кар’еры, якія прафесійна актыўныя мінімум 5 гадоў пасля атрымання прафесійнай ліцэнзіі або M.Arch degree у ЗША ці іншай краіне.

Прымаюцца заяўкі ад архітэктараў(-ак):

• У актыўнай практыцы;
• У акадэмічнай сферы, калі іх выкладанне звязанае з architectural design.

Хто падавацца не можа: студэнты(-кі), якія цяпер вучацца на праграмах B.Arch, M.Arch ці PhD. Арганізатары асобна падкрэсліваюць: магістарская ступень па архітэктуры і/або архітэктурная ліцэнзія — гэта абавязковае патрабаванне.

Пра рэзідэнцыю: праграма запрашае дзесяць архітэктараў(-ак) развіваць уласную працу цягам двух з паловай тыдняў на кампусе Art Omi. Адбор ідзе на падставе прапанаванага праекта і партфоліа.

Праект можа быць канцэптуальным або практычным, новым або ўжо існуючым, які патрабуе завяршэння, — але ён павінен быць тым, што архітэктар(-ка) хоча развіць падчас рэзідэнцыі і зрабіць самастойна.

Важныя ўмовы: праект не можа быць client-based або directed.

У канцы рэзідэнцыі патрэбныя:

• Візуальная прэзентацыя;
• Фінальны вынік працы — малюнкі, макеты, калажы, лічбавыя выявы.

Рэзідэнты(-кі) таксама прэзентуюць сваю працу публіцы падчас Open Studios у канцы рэзідэнцыйнага перыяду.

Што прапануецца:

• Пражыванне — індывідуальнае;
• Уласнае працоўнае месца на кампусе;
• Харчаванне — абед і вячэра ад шэф-кухара(-кі) штодня, плюс укамплектаваная кухня са сняданкамі і перакусамі;
• Удзел у праграме і супольнасці Art Omi;
• Басейн, веласіпеды, WiFi і некалькі камп’ютараў на тэрыторыі; бібліятэка і пральня ў Ledig House.

Свае інструменты: кожны(-ая) рэзідэнт(-ка) прывозіць уласныя інструменты для праектавання. Art Omi дае толькі абмежаваны друк і базавыя матэрыялы.

Для заяўкі патрэбныя: апісанне праекта, над якім вы хочаце працаваць, і партфоліа. Заяўка падаецца праз Submittable; поўныя патрабаванні — у самой форме.

Гэта адна з чатырох рэзідэнцый Art Omi 2027. Таксама адкрытыя наборы ў Artists, Dance і Music.