Для каго:

Аўтары(-кі)-выканаўцы ўласных песень на беларускай мове. Удзельнічаць могуць сольныя выканаўцы(-цы), дуэты, трыа і калектывы да 4 чалавек.

Патрабаванні:

• у рэпертуары павінны быць мінімум 4 уласныя песні на беларускай мове;
• удзельнікі(-цы) павінны мець магчымасць прыехаць у Польшчу;
• удзел магчымы з краін Еўразвязу і іншых еўрапейскіх краін пры наяўнасці візы, якая дазваляе ўезд у Польшчу.

Што атрымае пераможца:

• выступ на фестывалі «Бардаўская восень» 23–24 кастрычніка 2026 года;
• ганарар 2 000 PLN брутто;
• харчаванне і начлег пры неабходнасці.

Арганізатар не аплачвае транспартныя выдаткі.

Да 2 кастрычніка 2026 года трэба:

• запоўніць анлайн-форму;
• даслаць спасылку на YouTube з запісам адной уласнай песні на беларускай мове — аўдыя або відэа, прафесійная якасць не патрабуецца;
• апублікаваць пост у Instagram або Facebook з хэштэгам #хачунаБардаўскуювосень2026;
• адзначыць фонд Tutaka: @fundacja_tutaka у Instagram і/або @FundacjaTutaka у Facebook.

Галасаванне: 5–11 кастрычніка 2026 года ўключна.

Абвяшчэнне пераможцы: 12 кастрычніка 2026 года.