Для каго:

Беларускія актывісты(-кі), кіраўнікі(-цы) арганізацый грамадзянскай супольнасці (АГС) і лідары(-кі) супольнасцяў. Таксама запрашаюць:

• Топ-менеджмент АГС — кіраўнікоў(-ніц), якія адказваюць за развіццё асобных кірункаў арганізацыі;
• Лідараў(-к), якія маюць ідэю або прафесійны запыт і хочуць развіць яго з падтрымкай партнёраў;
• Сола-актывістаў(-к), якія працуюць з супольнасцямі і гуртуюць вакол сябе людзей.

Праграма адкрытая для зарэгістраваных і незарэгістраваных беларускіх АГС, якія дзейнічаюць у Беларусі, а таксама для ініцыятываў і праектаў, якія дыстанцыйна працуюць на карысць мэтавых груп у Беларусі.

Галоўная ўмова: удзельнікі(-цы) пастаянна жывуць у Беларусі або непасрэдна працуюць для аўдыторый у Беларусі.

У праграме два трэкі:

• BOOSTER ROOTS — для актывістаў(-так), якія пастаянна жывуць у Беларусі. Візіт можа быць у АГС за мяжой або ў Беларусі. Можна ехаць змешанай камандай: частка ўдзельнікаў(-ц) з Беларусі, частка — тыя, хто рэлакаваўся;
• BOOSTER BRIDGE — для актывістаў(-к), якія пастаянна жывуць па-за Беларуссю, але працягваюць працаваць з супольнасцямі ў краіне. Яны могуць наведаць АГС у краіне свайго пражывання або ў суседняй.

Фармат візіту выбіраеце пад свой запыт:

• Study visit — візіт, каб вывучыць досвед арганізацыі;
• Peer-to-peer exchange — абмен досведам з калегамі і калежанкамі;
• Shadowing — назіранне за штодзённай працай арганізацыі і ўдзел у ёй;
• Idea lab — сумесная распрацоўка ідэі або новага праекта;
• Project co-creation — распрацоўка новых падыходаў, інструментаў або праектаў;
• Іншыя фарматы, якія дадуць карысны для вашай дзейнасці досвед.

Краіны візітаў: Беларусь, Літва, Польшча, Грузія, Малдова, Арменія, а таксама іншыя краіны — калі гэта абгрунтавана.

Стандартны візіт — 7 дзён на аднаго чалавека, уключна з дарогай. У абгрунтаваных выпадках можна паехаць большай колькасцю ўдзельнікаў(-ц), адпаведна скараціўшы візіт, — калі гэта дазваляюць магчымасці праграмы.

Праграма пакрывае:

• Лакальны і міжнародны транспарт;
• Медыцынскую страхоўку для замежных візітаў;
• Пражыванне;
• Харчаванне;
• Кошт візы для замежных візітаў.

Што чакаецца ад удзельнікаў(-ц):

• Загадзя знайсці прымаючую арганізацыю;
• Сустрэцца (афлайн або анлайн) з прадстаўнікамі(-цамі) беларускай праваабарончай арганізацыі ў рэлакацыі або праваабарончай арганізацыі краіны візіту.