Brand & Visual Designer у EIT Culture & Creativity — да 39 000 EUR у год, частковая занятасць
Brand & Visual Designer — пастаянная пасада на частковую занятасць у камандзе маркетынгу і камунікацый EIT Culture & Creativity, партнёрства Еўрапейскага інстытута інавацый і тэхналогій (EIT) для культурных і творчых індустрый. Дызайнер(-ка) будзе і развіваць візуальную стратэгію брэнда разам з кіраўніцтвам, і сам(-а) рабіць макеты, кампаніі, матэрыялы для сацсетак і моушн-дызайн.
Працаўладкаванне магчымае толькі ў краінах, дзе ў EIT Culture & Creativity ёсць юрыдычныя асобы (гл. Regional Hubs(знешні сайт)). На пачатак працы трэба мець права жыць і працаваць у адной з краін, дзе ў арганізацыі ёсць юрыдычная асоба; хто жыве ў іншым месцы, павінен(-на) пераехаць да пачатку працы.
Для каго:
- Адукацыя ў графічным дызайне, візуальных камунікацыях або візуальных мастацтвах — або адпаведны прафесійны досвед;
- Грунтоўны досвед у прафесійным дызайне і ўменне давесці стратэгічны брыф да гатовага выніку;
- Прасунутае валоданне Photoshop, Illustrator, InDesign і інструментамі моушн-дызайну;
- Моцнае партфоліа з цэласнымі творчымі канцэпцыямі, а не асобнымі макетамі;
- Уменне прэзентаваць, тлумачыць і абараняць візуальныя рашэнні;
- Праактыўнасць і цікавасць да human-centered design і стратэгічных камунікацый;
- Свабодная англійская; іншыя еўрапейскія мовы — плюс.
Фармат:
- Частковая занятасць — 3–3,5 дні на тыдзень, бестэрміновы кантракт;
- Пераважна дыстанцыйна, з перыядычнымі сустрэчамі ўжывую і камандзіроўкамі;
- Працаўладкаванне магчымае толькі ў краінах, дзе ў EIT Culture & Creativity ёсць юрыдычныя асобы (гл. Regional Hubs(знешні сайт)). На пачатак працы трэба мець права жыць і працаваць у адной з краін, дзе ў арганізацыі ёсць юрыдычная асоба; хто жыве ў іншым месцы, павінен(-на) пераехаць да пачатку працы і дазвол на працу трэба мець ужо на дату заканчэння набору;
- Праца ў камандзе маркетынгу і камунікацый, падпарадкаванне — дырэктару(-цы) па маркетынгу і камунікацыях;
- Пачатак — як мага хутчэй.
Што прапануецца:
- Заробак 36 000–39 000 EUR брута ў год за частковую занятасць;
- Штогадовы бонус да 10% гадавога заробку брута — у залежнасці ад вашых вынікаў і вынікаў арганізацыі;
- Удзел у будаванні арганізацыі, якая хоча ўплываць на будучыню Еўропы;
- Кароткія працэсы, прамая ўнутраная камунікацыя і свабода дзейнічаць;
- Прыязная каманда, сучасныя офісы ў зручных месцах і магчымасць працаваць дыстанцыйна;
- Доступ да адной з найбуйнейшых інавацыйных экасістэм Еўропы;
- Міжнароднае і мультыкультурнае асяроддзе.
Што чакаецца ад удзельнікаў(-ц):
- Разам з дырэктарам(-кай) і камунікацыйнай камандай распрацоўваць кампаніі з этапу брыфу: стратэгію, мэтавыя аўдыторыі, агульную візуальную рамку;
- Разам з дырэктарам(-кай) развіваць доўгатэрміновую візуальную стратэгію брэнда — перапісаць візуальныя гайдлайны і выпусціць пашыраны брэндбук;
- Ператвараць складаныя тэмы — палітыку, даныя партнёраў, справы ЕС — у зразумелыя візуальныя наратывы;
- Быць галоўным творчым аўтарытэтам у кампаніі і сачыць за адзінствам брэнда ў праектах розных аддзелаў;
- Адсочваць дызайн-трэнды і новыя візуальныя тэхналогіі;
- Рабіць макеты для сайта, буклетаў, інфаграфікі, прэзентацый і публікацый;
- Рабіць матэрыялы для LinkedIn, Instagram і Digital Hub — платформы супольнасці арганізацыі;
- Ствараць моушн-дызайн і простыя відэа;
- Самастойна весці свае задачы і тэрміны, рыхтаваць візуальныя матэрыялы для падзей ужывую і анлайн.
Для заяўкі патрэбныя:
- Падрабязнае CV з адпаведным досведам;
- Матывацыйны ліст — як вы адпавядаеце крытэрыям і як бачыце сваю ролю, не больш за дзве старонкі A4.
Абодва дакументы — па-англійску, двума асобнымі файламі. Няпоўныя заяўкі не разглядаюць.
Адбор:
Заяўкі ацэньвае камісія экспертаў(-ак), яе праца канфідэнцыйная. Першыя этапы інтэрв'ю — анлайн, фінальны — асабіста ў EIT Culture & Creativity GmbH. Могуць папрасіць дакументы, якія пацвярджаюць кваліфікацыю і досвед, а таксама запрасіць на інтэрв'ю на іншыя вакансіі арганізацыі.
Пытанні пра падачу — hiring@eit-culture-creativity.eu.
Арганізатар:
EIT Culture & Creativity — партнёрства, якое ў 2023 годзе запусціў European Institute of Innovation and Technology (EIT), орган ЕС. Яно падтрымлівае культурныя і творчыя сектары праз фінансаванне, веды і кансультацыі. Штаб-кватэра — у Кёльне, рэгіянальныя хабы — у Амстэрдаме, Барселоне, Балонні, Хельсінкі, Кошыцах і Вене.