Для каго:
Мастакі(-чкі), якія працуюць у сферы выяўленчага або гукавога мастацтва і хочуць рэалізаваць мастацкі праект у непасрэднай сувязі з HBK Braunschweig у Германіі.

Даступныя 7 стыпендый:

• 5 стыпендый у сферы выяўленчага мастацтва;
• 2 стыпендыі у сферы гукавога мастацтва.

Падавацца могуць мастакі(-чкі), якія:

• маюць завершаную мастацкую адукацыю;
• скончылі апошняе навучанне пасля 31 сакавіка 2016 года і да 1 красавіка 2023 года;
• могуць пацвердзіць шырокую мастацкую практыку і ўдзел у выставах.

Стыпендыю нельга атрымаць, калі падчас перыяду фінансавання заяўнік(-ца) будзе атрымліваць рэгулярныя выплаты ад трэціх бакоў — напрыклад, заробак, іншую стыпендыю, рэзідэнцыйную выплату або дзяржаўную субсідыю.

Нельга падавацца адначасова на абедзве стыпендыі — трэба выбраць Visual Arts або Soundart.

Пра праграму:

Кожнаму(-ай) стыпендыяту(-цы) прызначаецца ментар(-ка) — прафесар(-ка) выяўленчага мастацтва, які(-ая) дапаможа інтэгравацца ва ўніверсітэцкае жыццё. Ментара(-ку) можна выбраць самастойна. Таксама ўсе прафесары(-кі) аддзялення выяўленчага мастацтва будуць даступныя для прафесійнага дыялогу.

Што прапануюць:

• стыпендыя 1 600 EUR у месяц цягам 12 месяцаў;
• бясплатная студыйная кватэра ў Браўншвайгу для аднаго чалавека;
• падтрымка на праектныя і дарожныя выдаткі;
• ментарская падтрымка;
• магчымасць прэзентаваць прамежкавы стан праекта ва ўніверсітэце;
• удзел у супольнай фінальнай прэзентацыі / выставе.

Важна: стыпендыяты(-кі) павінны самастойна аплачваць 250 EUR у месяц на дадатковыя жыллёвыя выдаткі.

Тэрміны:

Перыяд фінансавання пачынаецца 1 красавіка 2027 года.

Засяліцца ў кватэру можна з 15 красавіка 2027 года.

Стыпендыяты(-кі) павінны жыць пры HBK мінімум 8 месяцаў падчас лекцыйнага перыяду летняга і зімовага семестраў.

Абавязковы ўдзел у:

• Welcome Weeks — 19–30 красавіка 2027 года;
• супольнай фінальнай прэзентацыі ў студзені / лютым 2028 года.

Напрыканцы стыпендыі трэба падаць кароткую фінальную справаздачу прыкладна на 1 старонку.

Для заяўкі патрэбныя:
Заяўку можна падаць па-англійску або па-нямецку.

Патрэбныя дакументы:

• запоўненая і падпісаная форма заяўкі;
• мастацкі профіль адным файлам да 15 MB;
• дыплом апошняй мастацкай адукацыі або завераны пераклад на нямецкую мову.

У мастацкім профілі трэба дадаць:

• імя, сайт і сацсеткі;
• творчую заяву да 350 словаў;
• кароткае апісанне прапанаванага мастацкага праекта да 350 словаў;
• партфоліа з 10–15 работамі;
• кароткае CV з прэміямі, выставамі, стыпендыямі і іншым досведам;
• спасылкі на 3 відэа- або аўдыяфайлы без пароля.