Для каго:

Міжнародныя даследчыкі(-цы), куратары(-кі), мастакі(-чкі), аўтары(-кі) і іншыя прафесіяналы(-кі) ў сферы візуальнага мастацтва, якія базуюцца па-за Вялікабрытаніяй.

Праграма прызначаная для людзей з даследчым досведам у візуальным мастацтве або ў тэматыках, звязаных з канкрэтнай fellowship.

У 2027 годзе прапануюцца 2 fellowship у Tate Britain Curatorial Division:

1. Leonora Carrington: Art and the Theatre of Life
Фокус — тэатр, перформанс і перфарматыўнасць у практыцы брытанска-мексіканскай мастачкі Leonora Carrington.

Fellow будзе працаваць з архівамі, рукапісамі, ліставаннем, фотаздымкамі і іншымі матэрыяламі, каб даследаваць тэатральную і перфарматыўную частку практыкі Carrington у транснацыянальным кантэксце.

Асабліва рэлевантнымі будуць веды пра мастацтва, культуру і перформанс-гісторыі Лацінскай Амерыкі і Мексікі другой паловы ХХ стагоддзя. Веданне іспанскай мовы будзе перавагай, але не абавязковае.

2. Artist Supported Studios
Фокус — даследаванне supported studios і таго, як галерэі могуць працаваць з мастакамі(-чкамі), якія развіваюць практыку праз доўгатэрміновую падтрымку.

Fellow будзе ўдзельнічаць у даследаванні і развіцці Tate Britain Commission 2028 праз оптыку мастакоў(-чак), якія працуюць з supported studios.

Асабліва вітаецца досвед у адной або некалькіх сферах:

• supported studios або supported artistic practice;
• мастацтва людзей з інваліднасцю або нейраадрозных мастакоў(-чак);
• калабаратыўная або сацыяльна ўцягнутая куратарская практыка;
• даступная камунікацыя і інтэрпрэтацыя;
• музейная або галерэйная практыка.

Што прапануюць:

• 6-месячную fellowship у Tate Britain Curatorial Division;
• Доступ да калекцыі, архіваў, каманды і прафесійных сетак Tate;
• Даследчы рэсурсны бюджэт;
• Паездкі ў іншыя галерэі Tate у Вялікабрытаніі і культурныя інстытуцыі ў Вялікабрытаніі і Еўропе;
• Удзел у рэзідэнцыйнай праграме Delfina Foundation;
• Авіябілет эканом-класам у абодва бакі;
• Трансфер з аэрапорта ў Вялікабрытаніі;
• Кампенсацыю візавага збору, калі патрэбная віза;
• Падтрымку ў візавым працэсе;
• Стыпендыю 40 GBP у дзень;
• Праязны на метро і аўтобусы ў Лондане;
• Асобны пакой у Delfina Foundation з доступам да агульных прастораў: кухні, бібліятэкі, пральні, сталовай і ванных пакояў.

Фармат працы:

• Fellowship — поўная занятасць, 36 гадзін на тыдзень. Прыкладна 4 дні на тыдзень будуць звязаныя з працай у Tate, 1 дзень — з праграмай Delfina Foundation.

Калі: 5 красавіка — 17 верасня 2027 года. Удзельнікі(-цы) павінны быць у Вялікабрытаніі цягам усяго перыяду fellowship.

Адбор:

• Shortlisted кандыдатаў(-ак) запросяць на інтэрв’ю да 30 кастрычніка 2026 года.
• Інтэрв’ю пройдуць у Zoom у два этапы паміж 5 і 27 лістапада 2026 года.
• Вынікі паведамяць да 4 снежня 2026 года.