Для каго:

Беларусы(-кі) і ўкраінцы(-кі), якія жывуць у Польшчы або Літве і хочуць:

• Запусціць уласны бізнес;
• Развіваць ужо існуючую ідэю;
• Разабрацца са стартапамі;
• Знайсці даступныя крыніцы фінансавання;
• Пазбегнуць тыповых памылак на старце.
• Матэрыялы таксама будуць карысныя маладым прадпрымальнікам(-цам), пачаткоўцам у стартапах і тым, хто толькі правярае бізнес-ідэю.

Чатыры дапаможнікі:

• Практычнае кіраўніцтва па стартапах для беларусаў(-ак) і ўкраінцаў(-ак). Для заснавальнікаў(-ц) і прадпрымальнікаў(-ц). Пакрокавы шлях ад ідэі да запуску: валідацыя ідэі, стварэнне MVP, пошук першых карыстальнікаў(-ц), маштабаванне і выкарыстанне праграм падтрымкі ў Літве і Польшчы — беларуская версія, PDF;
• Як адкрыць бізнес у Польшчы. Для тых, хто жыве ў Польшчы. Пабудавана на рэальным досведзе прадпрымальнікаў(-ц): праверка ідэй, выбар стратэгіі і тыповыя памылкі на старце — беларуская версія, PDF;
• Як адкрыць бізнес у Літве. Для тых, хто жыве ў Літве і плануе стварыць уласную справу: праверка ідэй, логіка вядзення бізнесу і тыповыя цяжкасці на старце — беларуская версія, PDF;
• Фандрайзінг для бізнесу. Для мігрантаў(-ак) з Беларусі і Украіны ў Польшчы ці Літве. Структураваны даведнік па знешніх крыніцах фінансавання з інтэрактыўным апытальнікам, які дапамагае падабраць прыдатныя варыянты — беларуская версія, PDF.

Мовы: кожны дапаможнік выдадзены ў чатырох версіях — беларускай, украінскай, англійскай і рускай.

Пра праект:

Business Clinic BISEB — практычны адукацыйны праект, у якім студэнты(-кі) пад супервізіяй дасведчаных ментараў(-ак) спрабуюць сябе ў ролі бізнес-кансультантаў(-ак).

Назва Business Clinic адсылае да амерыканскіх універсітэцкіх legal clinics, дзе студэнты(-кі) вучацца праз дапамогу рэальным людзям. У BISEB гэты падыход перанесены ў сферу прадпрымальніцтва: студэнты(-кі) працуюць з практычнымі бізнес-задачамі і ператвараюць сабраную інфармацыю ў карысныя інструменты для прадпрымальнікаў(-ц).