Для каго:

Даследчыкі(-цы) ў галіне сацыяльных і гуманітарных навук, якія вывучаюць Расію, Усходнюю Еўропу, Каўказ або Цэнтральную Азію — у гістарычным ці сучасным вымярэнні. Праграма разлічаная на навукоўцаў на раннім і сярэднім этапе кар'еры.

• Абавязковая ўмова: на момант падачы вы вучыцеся або працуеце ў сваім універсітэце;
• Перавага аддаецца даследчыкам(-цам) на раннім этапе кар'еры і супрацоўнікам(-цам) ВНУ, чые тэмы блізкія да даследчых прыярытэтаў CEES.

Фармат:

• 5–6 стыпендый;
• Працягласць — да чатырох месяцаў;
• Пачатак — у сярэдзіне лютага 2027 года;
• У Цюрыху.

Што прапануецца:

• Стыпендыя на пражыванне на час побыту (да чатырох месяцаў) — сума не пазначаная;
• Кампенсацыя дарогі;
• Пакрыццё адміністрацыйных выдаткаў у Швейцарыі;
• Рабочае месца ў CEES і доступ да бібліятэк;
• Дапамога з пошукам жылля ў Цюрыху і ваколіцах.

Што чакаецца ад удзельнікаў(-ц):

• Самастойная праца над даследаваннем на месцы;
• Актыўны ўдзел у навуковым жыцці цэнтра;
• Лекцыя, семінар або варкшоп па тэме свайго даследавання;
• Публікацыя вынікаў у адным з выданняў CEES.

Для заяўкі патрэбныя (усё на англійскай мове, адным PDF-файлам):

• Матывацыйны ліст;
• Апісанне даследчага праекта (research proposal) на 3–5 старонак;
• CV са спісам публікацый;
• Узор тэксту — артыкул або раздзел кнігі;
• Кароткая прапанова выступу або варкшопа для CEES;
• Два рэкамендацыйныя лісты і/або імёны двух рэкамендатараў(-ак).

Як падавацца:

Адправіць PDF-файл на cees@isos.uzh.ch.

Калі ў вас ужо ёсць уласнае фінансаванне, можна падацца як Visiting Scholar — гэта неаплатная пазіцыя з тымі ж правамі і абавязкамі, што і ў стыпендыятаў(-ак).

Старонка праграмы і поўны тэкст набору (PDF).

Кантакт: cees@isos.uzh.ch

Арганізатар: Center for Eastern European Studies (CEES), University of Zurich.