Для каго: беларускія грамадзяне(-кі), якія хочуць атрымаць ступень магістра ў Вялікабрытаніі і маюць выразны лідарскі патэнцыял, прафесійны досвед і план уплыву пасля навучання.

Патрабаванні:

• Быць грамадзянінам(-кай) краіны, якая мае права на ўдзел у праграме Chevening;
• Абавязацца вярнуцца ў сваю краіну мінімум на 2 гады пасля завяршэння стыпендыі;
• Мець мінімум 2 гады працоўнага досведу пасля атрымання ступені бакалаўра — эквівалент 2 800 гадзін;
• Мець дыплом бакалаўра або эквівалентную адукацыю, якая дазваляе паступаць на магістратуру ў Вялікабрытаніі;
• Падаць заяўкі на 3 розныя магістарскія праграмы ў Вялікабрытаніі, якія адпавядаюць патрабаванням Chevening;
• Атрымаць хаця б адну безумоўную прапанову аб залічэнні (unconditional offer) да дэдлайну, пазначанага ў таймлайне.

Chevening шукае кандыдатаў(-ак), якія могуць паказаць:

• Лідарскія якасці і здольнасць уплываць на змены;
• Досвед пабудовы прафесійных сувязяў;
• Добра прадуманы выбар магістарскай праграмы;
• Рэалістычны кар'ерны план пасля навучання;
• Сувязь паміж абранай адукацыяй, асабістым досведам і будучым уплывам.

Што пакрываецца: праграма пакрывае навучанне ў Вялікабрытаніі і звязаныя выдаткі. Дакладныя ўмовы залежаць ад канкрэтнай стыпендыі і ўніверсітэта, але звычайна Chevening уключае аплату навучання, пражывання і паездкі.

Хто не можа падавацца:

• Людзі з брытанскім або падвойным брытанскім грамадзянствам, за асобнымі выключэннямі;
• Тыя, хто мае статус уцекача(-чкі) у краіне, якая не ўдзельнічае ў праграме Chevening;
• Тыя, хто на момант падачы пражывае ў Вялікабрытаніі;
• Супрацоўнікі(-цы), былыя супрацоўнікі(-цы) за апошнія 2 гады або блізкія сваякі супрацоўнікаў(-ц) пэўных брытанскіх дзяржаўных структур, British Council, партнёрскіх універсітэтаў або звязаных арганізацый;
• Тыя, хто ўжо вучыўся ў Вялікабрытаніі па стыпендыі, прафінансаванай урадам Вялікабрытаніі, за асобнымі выключэннямі.

Наяўнасць магістарскай ступені не перашкаджае падавацца на другую магістратуру ў Вялікабрытаніі.

Важныя даты:

• Адкрыццё прыёму заявак — 4 жніўня 2026 года, 11:00 UTC;
• Дэдлайн — 6 кастрычніка 2026 года, 11:00 UTC;
• Праверка адпаведнасці патрабаванням — з кастрычніка 2026 года;
• Ацэнка заявак — сярэдзіна кастрычніка 2026 — студзень 2027;
• Кароткі спіс на інтэрв'ю — сярэдзіна лютага 2027;
• Інтэрв'ю — сакавік–красавік 2027;
• Вынікі — з сярэдзіны чэрвеня 2027;
• Дэдлайн падачы безумоўнай прапановы аб залічэнні — 8 ліпеня 2027 года, 17:00 BST;
• Пачатак навучання ў Вялікабрытаніі — верасень / кастрычнік 2027 года.

Як падавацца: праз анлайн-сістэму Chevening пасля адкрыцця прыёму заявак.

Для падачы патрэбны:

• Праверка адпаведнасці патрабаванням;
• Выбар 3 адпаведных гадавых магістарскіх праграм у Вялікабрытаніі;
• Моцная заяўка з прыкладамі лідарства, прафесійных сувязяў, кар'ернага плана і матывацыі;
• Email і нумар тэлефона;
• Захаваны ўнікальны код доступу для анлайн-сістэмы.

Важна: падача заяўкі на Chevening бясплатная. Праграма не супрацоўнічае з трэцімі асобамі, якія бяруць грошы за дапамогу з заяўкамі. Chevening таксама забараняе выкарыстанне штучнага інтэлекту (AI) для генерацыі адказаў у заяўцы — адказы павінны быць напісаныя самастойна.