Circostrada BOUNCE — ментарская праграма для прафесіяналаў(-ак) сучаснага цырку і вулічных мастацтваў
BOUNCE — ментарская праграма еўрапейскай сеткі Circostrada. Яна дае прастору для развіцця праекта, пашырае прафесійныя сувязі і дапамагае разабрацца са справядлівымі практыкамі і роўнымі ўмовамі працы, каб удзельнікі(-цы) маглі змяняць свае прафесійныя асяроддзі. Гэта шосты набор.
Для каго:
- Прафесіяналы(-кі) сучаснага цырку і вулічных мастацтваў з досведам ад 4 да 10 гадоў;
- Трэба працаваць у гэтай сферы і мець канкрэтны праект, на якім будзе засяроджаная праграма;
- Перавага — тым, хто жыве ў краінах — удзельніцах Creative Europe.
Якія праекты падыходзяць:
Праекты ў сферы сучаснага цырку і вулічных мастацтваў, напрыклад (спіс не вычарпальны):
- Праграма фестывалю;
- Выдавецкія праекты (друкаваныя і лічбавыя);
- Праграма культурніцкага цэнтра;
- Акадэмічныя падзеі: лабараторыі, сімпозіумы, хакатоны;
- Распрацоўка і арганізацыя рэзідэнцый.
Паводле правілаў мінулага набору, праграма не прымае мастацкія праекты, а таксама праекты пра гастролі або стварэнне новых спектакляў.
Што прапануецца:
- 16-гадзінная праграма развіцця з фасілітатарам(-кай) з ліку ўдзельнікаў(-ц) Circostrada і знешнімі экспертамі(-камі);
- Стартавая сустрэча, каб пазнаёміцца з іншымі ўдзельнікамі(-цамі) і фасілітатарамі(-камі), — дарогу, пражыванне і суткавыя пакрываюць арганізатары;
- Адзін афлайн- і два анлайн-варкшопы з экспертамі(-камі) пра справядлівыя практыкі і роўныя ўмовы працы;
- Удзел у Генеральным сходзе Circostrada і/або ў падзеях FRESH — таксама з дарогай, пражываннем і суткавымі;
- Магчымасць далучыцца да SPARK Participatory Research Lab — даследчай лабараторыі пра справядлівыя практыкі, якую вядзе Performing Arts Coalition (ASSITEJ, Circostrada, EDN, EFA і IETM).
Даты:
- 17–21 траўня 2027 года — стартавая сустрэча ў Santa Maria da Feira (Партугалія);
- Жнівень 2028 года — фінальная сустрэча ў Рызе (Латвія).
Для падачы патрэбныя:
Паводле правілаў мінулага набору:
- Анлайн-форма;
- Рэзюмэ на англійскай мове — не больш за 1 старонку;
- Матэрыялы пра праект (фота, апісанне задумы, макеты і інш.) — адным PDF-файлам.
Удзельнікаў(-ц) адбіраюць кіраўнічы камітэт і каардынацыйная каманда Circostrada; адзін з крытэраў — матывацыя. Арганізатары асабліва сочаць за тым, каб група была разнастайнай паводле геаграфіі, досведу, ідэнтычнасцяў, магчымасцяў і тыпаў праектаў.
Арганізатар: Circostrada — еўрапейская сетка сучаснага цырку і вулічных мастацтваў, якую каардынуе ARTCENA (Францыя).