Для дасведчаных керамістаў(-ак) і мастакоў(-чак), якія працуюць з керамікай, — з Ірландыі і з-за мяжы. Трэба адпавядаць усім умовам:

• Прафесійная практыка з пацверджаным досведам: 3+ гады самастойнай працы па-за навучальнай установай, 3+ калекцыі або серыі работ ці раўназначны досвед;
• Прасунутыя навыкі керамікі і/або ганчарства;
• Права жыць і працаваць у Ірландыі на ўвесь час рэзідэнцыі — калі патрэбная віза, яе афармляе сам(-а) заяўнік(-ца);
• Гатоўнасць цалкам удзельнічаць у жыцці студыі: ментарскіх сустрэчах, падзеях супольнасці і, магчыма, выкладанні.

Што прапануецца:

• Тры месяцы поўнага доступу да студыі Throwing Shapes: ганчарныя кругі, печы, студыйныя глазуры, майстэрня, прастора для ручной лепкі, інструменты;
• Бясплатнае пражыванне ад Staycity: прасторная двухпакаёвая кватэра з асобным уваходам у цэнтральна-паўночнай частцы Дубліна, якую трэба будзе дзяліць з рэзідэнтам(-кай) выпускной праграмы;
• Персанальная выстава ў канцы рэзідэнцыі з куратарскай і маркетынгавай падтрымкай;
• Магчымасць праводзіць варкшопы;
• Ментарскія сесіі з камандай студыі і ментарства па сацсетках ад медыякаманды Staycity;
• Доступ да падзей для ўдзельнікаў(-ц) студыі: серыя Talking Clay, сезонныя рэтрыты і кірмашы;
• Старонка пра рэзідэнта(-ку) на сайце Throwing Shapes і запрашэнні на alumni-падзеі.

Што чакаецца ад удзельнікаў(-ц):

• Актыўны ўдзел у жыцці студыі, ментарскіх сустрэчах і падзеях супольнасці;
• Гатоўнасць выкладаць або ўдзельнічаць у навучанні з іншымі ўдзельнікамі(-цамі) і супольнасцю;
• Перадаць Throwing Shapes адну працу, створаную падчас рэзідэнцыі.

Крытэрыі ацэнкі:

• Даследчы характар творчага развіцця: самастойная прапанова з канкрэтным вынікам — напрыклад, выстава або калекцыя, даследаванне матэрыялу, серыя работ на замову;
• Выкарыстанне рэсурсаў студыі: часу, абсталявання і працы з супольнасцю для рэалізацыі праекта;
• Выкладанне і ўклад у супольнасць.

Для падачы патрэбныя:

• Прапанова рэзідэнцыі — PDF, да адной старонкі;
• CV — PDF, да дзвюх старонак;
• Партфоліа: да пяці работ або калекцый з подпісамі — PDF, да 5 старонак (калі файл не праходзіць праз форму, яго можна даслаць праз WeTransfer на claycity@throwingshapes.ie);
• Кантакты дзвюх асоб, якія могуць вас парэкамендаваць (імя, пасада, email);
• Рэкамендацыйны ліст.

Кожны файл — да 100 МБ, назва ў фармаце ІмяПрозвішчаНазвафайла.pdf (напрыклад, JaneMurphyCV.pdf). Форма і матэрыялы — на англійскай мове.

Дэдлайн: 5 кастрычніка 2026 года, 16:00 GMT (18:00 CEST).

Даты: Рэзідэнцыя: 4 студзеня – 31 сакавіка 2027 года.

Перад падачай варта прачытаць падрабязны гайд для заяўнікаў(-ц).