Для каго:
Беларускія эксперткі, якія ўжо маюць сфарміраваную экспертызу і хочуць зрабіць яе больш бачнай.

Яна падыходзіць тым, хто мае прафесійны досвед у сваёй галіне — акадэмічнай, навуковай, аналітычнай, медыйнай, грамадскай, культурнай або мастацкай — і гатовы выходзіць у публічную прастору: пісаць, выступаць, камунікаваць з медыя і ўдзельнічаць у грамадскай дыскусіі.

Патрабаванні да ўдзельніц:

• Высокі ўзровень кампетэнцыі ў сваёй галіне;
• Наяўнасць праекта, ідэі або канкрэтнай задачы, з якой вы хочаце працаваць падчас праграмы;
• Гатоўнасць выходзіць у публічную прастору: пісаць, выступаць, даваць каментары і камунікаваць з медыя;
• Англійская мова на ўзроўні B1 і вышэй — для ўдзелу ў міжнародных сесіях;
• Магчымасць дакладна выехаць мінімум на адну вочную сустрэчу ў Варшаву;
• Гатоўнасць надаваць праграме мінімум 2 гадзіны на тыдзень цягам 8 месяцаў;
• Самастойнасць у працы з ментаркай: пастаноўка мэт, ініцыятыва ў сустрэчах і разуменне ўласных патрэбаў.

Удзельніца будзе працаваць над уласнай задачай або праектам.

Гэта можа быць:

• даследаванне;
• артыкул або серыя публікацый;
• аналітычная запіска;
• сацыяльны або палітычны праект;
• адукацыйны цыкл;
• уласны медыяпрадукт;
• публічная ініцыятыва;
• задача кшталту «выйсці ў медыя як экспертка ў сваёй тэме».

Праект не абавязкова мусіць быць асабістым: гэта можа быць ініцыятыва ўнутры арганізацыі, дзе вы працуеце.

Што атрымаюць удзельніцы:

• Практычныя інструменты для ўмацавання ўласнай публічнай бачнасці;
• Варкшопы па працы з LinkedIn, фандрайзінгу і адносінах з донарамі, брэндынгу і візуальным стылі;
• Не менш за 8 індывідуальных сустрэч з ментаркай, падабранай пад канкрэтны працоўны запыт;
• Падтрымку прафесійнай рэдактаркі ў напісанні і публікацыі артыкула ў медыя;
• Навучальны візіт у Стакгольм 16–20 лістапада 2026 года;
• Вочны візіт у Варшаву 28–29 траўня 2027 года;
• Працу з сіндромам самазванкі і публічнымі выступамі;
• Пітч свайго праекта перад экспертнай аўдыторыяй на фінальнай канферэнцыі;
• Падтрымліваючую супольнасць экспертак з розных сфер.

Сярод спікерак:
Оксана Дзідык, Таццяна Кавалёнак, Марына Ментусава, Таццяна Пуцяціна, Леся Руднік, Яўгенія Сугак, Валянціна Чэкан, Аліна Яблонскі, Маша Ярома ды іншыя.

Графік праграмы:

• Канец верасня 2026 — пацверджанне ўдзелу;
• 1 кастрычніка — 15 лістапада 2026 — анлайн-частка «Фундамент»;
• 16–20 лістапада 2026 — навучальны візіт у Стакгольм;
• 26 лістапада 2026 — 1 сакавіка 2027 — анлайн-частка «Інструментарый»;
• 1 сакавіка — 15 мая 2027 — індывідуальнае ментарства і падзеі супольнасці;
• 28–29 траўня 2027 — фінальная канферэнцыя ў Варшаве.

Важна:
Праграма патрабуе прысутнасці мінімум на 60% анлайн-сесій па чацвяргах, выканання дзвюх абавязковых задач і ўдзелу мінімум у адной вочнай сустрэчы ў Варшаве.

Бяспека і канфідэнцыяльнасць:
Арганізатары абяцаюць бяспечную і даверную прастору:

• сесіі не запісваюцца;
• у групе дзейнічае правіла Chatham House;
• імёны непублічных экспертак і ўдзельніц, якія просяць не разгалошваць іх удзел, застаюцца канфідэнцыйнымі;
• імёны, фота і згадкі ўдзельніц публікуюцца толькі з іх згоды.

Арганізатары скантактуюцца з кандыдаткамі напрыканцы верасня пасля дэдлайну.