Для каго:

Мастакі(-чкі), культурніцкія менеджары(-кі), актывісты(-кі) і валанцёры(-кі) ад 18 гадоў, якія:

• Жывуць ва Украіне або выехалі з Украіны ў адну з краін Creative Europe (27 краін ЕС і іншыя краіны-ўдзельніцы праграмы);
• Працуюць з вымушана перамешчанымі людзьмі і ўцекачамі(-камі) з Украіны, ветэранамі(-камі) або іншымі ўразлівымі групамі;
• Самі адчулі на сабе ўплыў вайны, выгнання або траўматычных умоваў працы;
• Маюць патрэбу ў падтрымцы, каб працягваць сваю працу.

Грант даецца толькі фізічным асобам, не арганізацыям.

Прапануецца:

Аднаразовая выплата да 1200 EUR (з падаткамі, калі яны прадугледжаныя). Грошы можна выдаткаваць толькі на ўласнае псіхічнае здароўе і дабрабыт, напрыклад:

• Псіхатэрапію або псіхалагічнае кансультаванне;
• Коўчынг з улікам траўмы або групавыя сесіі падтрымкі;
• Аднаўленчыя паездкі — санаторый, рэтрыт, праграмы аднаўлення;
• Наведванне культурных інстытуцый і падзей — музеі, тэатры, кіно, канцэрты;
• Майстар-класы і арт-тэрапію, у тым ліку матэрыялы для іх.

Нельга выдаткаваць на:

• Псіхіятрычныя кансультацыі і медыцынскае лячэнне;
• Лекі і медыцынскія вырабы;
• Абсталяванне, рэчы і матэрыялы для працы;
• Арэнду жылля або памяшкання;
• Навучанне;
• Праектныя або арганізацыйныя выдаткі;
• Гуманітарныя патрэбы і бягучыя выдаткі на жыццё.

Крытэрыі ацэнкі:

• Наколькі пераканаўча вы апісваеце сваю ролю ў мастацтве, культуры або супольнасці;
• Наколькі запытаная падтрымка звязаная з вашым дабрабытам і ўстойлівасцю;
• Як ваш дабрабыт дапаможа вам працягваць працу на карысць супольнасці;
• Ці рэалістычны і дапушчальны план выдаткаў.

Заяўкі ацэньваюць знешнія эксперты(-ткі), якія ведаюць культурны сектар і ўкраінскі кантэкст. Канчатковае рашэнне прымаюць партнёры кансорцыума.

Дэдлайн: 26 кастрычніка 2026 года, 13:00 (CET). Раўнд можа закрыцца раней, калі набярэцца 200 заявак.

Таймлайн:

• 26 кастрычніка 2026 года — заканчэнне прыёму заявак;
• Далей — 3–4 тыдні ацэнкі;
• 12 студзеня 2027 года — адкрыццё сёмага раўнда.

Кантакт: chs@culturalfoundation.eu

Арганізатары:

European Cultural Foundation (Нідэрланды), Insha Osvita (Украіна), zusa (Германія) і VETERANKA Movement (Украіна). Праект суфінансуе праграма Creative Europe.