Для каго:

Партнёрствы мінімум дзвюх арганізацый.

У партнёрстве павінны быць:

• мінімум адна арганізацыя з юрыдычным статусам ва Украіне, якая працуе ва Украіне або ў выгнанні;
• мінімум адна арганізацыя з юрыдычным статусам у краіне Creative Europe.

Абедзве арганізацыі павінны працаваць у культурным, крэатыўным або грамадзянскім сектары.

Пра гранты:

Collaboration Grants падтрымліваюць міжнародныя культурныя партнёрствы, якія праз культуру паляпшаюць доступ да культурнага ўдзелу і падтрымліваюць інтэграцыю перамешчаных украінцаў(-ак) і ўцекачоў(-ак) у новых супольнасцях.

Асобная ўвага — уразлівым групам, ветэранам(-кам), міжкультурнаму дыялогу і ментальнаму дабрабыту.

Прыярытэт маюць партнёрствы паміж украінскімі арганізацыямі — у тым ліку тымі, што працуюць у выгнанні, — і неўкраінскімі арганізацыямі, асабліва з суседніх краін Creative Europe.

Фінансавыя ўмовы:

• да 20 000 EUR — для партнёрстваў дзвюх арганізацый;
• да 30 000 EUR — для партнёрстваў трох і больш арганізацый.

Грант можа пакрываць вытворчыя, камунікацыйныя, арэндныя, тэхнічныя і дарожныя выдаткі, ганарары, юрыдычныя паслугі, працу каманды і аперацыйныя выдаткі.

Суфінансаванне не абавязковае, але рэкамендуецца, каб грант пакрываў не больш за 80% бюджэту.

Тэрміны: праект можа доўжыцца да 12 месяцаў і не можа пачацца раней за 1 лютага 2027 года. Завяршэнне — да 31 студзеня 2028 года.

Дадатковая падтрымка:
Адабраныя партнёрствы атрымаюць індывідуальнае ментарства, супольнасныя званкі і вочную нетворкінг-сустрэчу. Удзел у гэтых актыўнасцях абавязковы.

Не падтрымліваюцца:
Праекты, якія ўжо фінансуюцца іншымі схемамі Creative Europe, заяўкі ад палітычных партый, выключна гуманітарныя ініцыятывы і індывідуальныя запыты на жыццёвыя выдаткі.

Мова заяўкі:
Англійская.

Арганізатары: European Cultural Foundation, Insha Osvita, zusa і VETERANKA Movement пры падтрымцы Creative Europe.