DEMO-LEAD — гадавая праграма дэмакратычнага лідарства для беларускіх актывістаў і актывістак
DEMO-LEAD — гадавая адукацыйная праграма пра дэмакратычнае лідарства і ўдзельніцкія метады працы з людзьмі. Яе ладзяць АБФ Беларусь і шведская ABF Hälsingland пры садзейнічанні Solidarumo tiltas і падтрымцы Svenska institutet. Праграма абапіраецца на шведскую традыцыю народнай адукацыі Folkbildning: тут вучацца праз дыялог, абмен досведам і сумеснае дзеянне.
Для каго:
Беларускія актывісты(-кі), прадстаўнікі(-цы) грамадзянскіх арганізацый, сетак, адукацыйных і грамадскіх ініцыятываў. Праграма падыходзіць, калі вы:
- Маеце арганізацыю ці супольнасць, дзе зможаце ўжываць новыя веды, і яе падтрымку, каб тэставаць новыя падыходы;
- Хочаце развіваць новыя спосабы працы з людзьмі і дзяліцца імі з іншымі.
Фармат:
- Гадавая праграма для 25 удзельнікаў(-ц);
- Пяць афлайн-модуляў у Літве, Польшчы і Швецыі, а таксама ўводная і фінальныя анлайн-сесіі;
- Модулі — гэта практычныя майстэрні, навучальныя гурткі, групавая праца і рэфлексія;
- Паміж модулямі — практычныя заданні, анлайн-ментарства і абмен досведам з іншымі ўдзельнікамі(-цамі);
- Мовы: беларуская, расейская і англійская, без перакладу.
Каляндар 2027 года:
- 14 студзеня — уводная анлайн-сесія, 18:00–21:00 CET;
- 19–21 лютага — модуль 1, Літва;
- 16–18 красавіка — модуль 2, Польшча;
- 4–6 чэрвеня — модуль 3, Літва;
- 24–26 верасня — модуль 4, Польшча;
- 9–14 лістапада — модуль 5, Швецыя;
- 9 снежня — фінальная анлайн-сесія, 18:00–21:00 CET.
Што прапануецца:
- Метады, якія дапамагаюць людзям разам абмяркоўваць пытанні і вырашаць, як дзейнічаць далей;
- Практыка фасілітацыі: як весці групавыя абмеркаванні, арганізоўваць навучальныя гурткі і майстэрні, дзе людзі вучацца адно ў аднаго;
- Як ствараць інклюзіўную адукацыйную прастору, дзе кожны можа свабодна выказацца і ўдзельнічаць;
- Культурныя і творчыя метады працы з людзьмі і супольнасцямі;
- Гендарная перспектыва ў планаванні, фасілітацыі і развіцці арганізацыі;
- Аналіз выклікаў будучыні і стратэгіі змен;
- Анлайн-ментарства, пакуль вы працуеце над уласнай ініцыятывай;
- Кампенсацыя дарогі, пражывання і харчавання;
- Сетка аднадумцаў, якая працуе і пасля праграмы, у тым ліку alumni-сетка Svenska institutet;
- Сертыфікат аб праходжанні праграмы.
Пяць адукацыйных напрамкаў: адукацыя дарослых, педагогіка і лідарства; культура як рухавік народнай адукацыі; гендарная роўнасць на практыцы; майстэрня дэмакратыі (удзельніцкія метады, фасілітацыя, інструменты грамадзянскага ўдзелу); майстэрня будучыні (прэзентацыя праектаў, планаванне і пабудова сеткі).
Што чакаецца ад удзельнікаў(-ц):
- Удзел ва ўсіх сесіях і модулях з календара;
- Практычныя заданні паміж модулямі і ўжыванне новых метадаў у сваёй арганізацыі ці супольнасці;
- Распрацаваць і пратэставаць уласную ініцыятыву ці праект і прэзентаваць яго на фінальным модулі ў Швецыі.
Адбор:
25 месцаў. Удзел ва ўсёй гадавой праграме — абавязковая ўмова адбору, таму праверце, ці зможаце прысутнічаць на ўсіх сесіях, перш чым падавацца.
Кантакт: Telegram: @DEMOLEAD2027(знешні сайт).
Арганізатар:
АБФ Беларусь і ABF Hälsingland (Швецыя) пры садзейнічанні Solidarumo tiltas (Літва) і падтрымцы Svenska institutet (Шведскі інстытут).