Для каго:

Людзі з самых розных сфер, якія жывуць у еўрапейскіх краінах — не толькі ў ЕС. Арганізатары(-кі) называюць грамадзянскі актывізм, мастацтва, даследаванні, журналістыку, адукацыю, дызайн, архітэктуру, спорт, прадпрымальніцтва, сацыяльную працу, кулінарыю, праграмаванне, маркетынг і камунікацыю — але спіс адкрыты.

Пра рэзідэнцыю:

Тры тыдні рэзідэнты(-кі) будуць распрацоўваць актыўнасці для Kuldīga Democracy Festival. Гэта можа быць гульня, варкшоп, перформанс, новы фармат размовы ці ўдзелу — або нешта, чаму яшчэ няма назвы. Галоўнае, каб наведвальнікі(-цы) фестывалю сталі ўдзельнікамі(-цамі), а не проста гледачамі(-чкамі). Гатовых рашэнняў не чакаюць: важныя цікаўнасць, гатоўнасць эксперыментаваць і працаваць разам.

Рэзідэнцыя — частка праграмы Liepāja — European Capital of Culture 2027.

Што прапануецца:

• Пражыванне ў Старым горадзе Кулдыгі;
• Стыпендыя 1000 EUR на штодзённыя выдаткі падчас рэзідэнцыі;
• Асобны бюджэт да 1000 EUR на кожнага(-ую) ўдзельніка(-цу) — на распрацоўку і правядзенне сваёй актыўнасці.

Што чакаецца ад удзельнікаў(-ц):

• Прыехаць у Кулдыгу на рэзідэнцыю 3–23 жніўня 2027 года;
• Распрацаваць актыўнасць для фестывалю — пажадана разам з іншымі рэзідэнтамі(-ткамі), але можна і паасобку;
• Працаваць з мясцовай супольнасцю: жыхары(-ркі) Кулдыгі будуць далучацца да планавання;
• Правесці сваю актыўнасць на Kuldīga Democracy Festival 20–21 жніўня 2027 года.

Кантакт: info@demokratijasfonds.lv