Фестываль адкрыты для дызайнераў(-к) моды і касцюма, мастакоў(-чак), лічбавых творцаў, спецыялістаў(-ак) па тэхналогіях, студэнтаў(-ак), прадпрымальнікаў(-ц) і іншых прафесіяналаў(-ак) крэатыўных індустрый.

Можна зарэгістравацца як:

• Аўтар(-ка) ідэі або праекта — каб прадставіць ідэю, прататып, прадукт або калекцыю;
• Удзельнік(-ца) хакатона — каб далучыцца да чужой каманды з мастацкімі, тэхнічнымі, лічбавымі або бізнес-навыкамі (уласная ідэя не патрэбная);
• Эксперт(-ка) — дызайнеры(-кі), ментары(-кі), спікеры(-кі), прадстаўнікі(-цы) ўлад, якія займаюцца культурнай палітыкай;
• Наведнік(-ца) — на публічныя сесіі і прэзентацыі.

Трэкі (паводле Creative Readiness Levels — узроўню гатоўнасці праекта):

• IDEA (CRL 1–3) — ідэі на раннім этапе; пітчынгі ў пятніцу, 27 лістапада. Лепшыя праекты могуць прэтэндаваць на рэзідэнцыйны трэк CREASheroes;
• PROTOTYPE (CRL 4–6) — прататыпы, узоры і праекты, якія ўжо можна ўвасобіць фізічна. Прэзентацыі ў чацвер, 26 лістапада. Таксама ўдзельнічаюць у адборы на рэзідэнцыі;
• PRODUCT (CRL 7–9) — гатовыя або амаль гатовыя працы для публічнага паказу (подыум, выстава, перформанс, дэма).

Што прапануецца:

• Лекцыі, майстар-класы, варкшопы і хакатон з ментарскай падтрымкай;
• Магчымасць прэзентаваць ідэю, прататып або калекцыю;
• Нетворкінг і сустрэчы з удзельнікамі(-цамі) і ментарамі(-камі) праз платформу b2match;
• Для праектаў трэкаў IDEA і PROTOTYPE — шанец трапіць на міжнародныя рэзідэнцыі ў Фінляндыі (Ankkapurha і кампус Xamk у Каўвале) або ў Іспаніі (Espronceda Institute of Art and Culture, Барселона).

Грашовых прэмій няма. Паводле сайта праекта, камандам, адабраным на рэзідэнцыі, пакрываюць дарогу, пражыванне, матэрыялы і выдаткі на выставу. Даты і працягласць рэзідэнцый не пазначаныя.

Подыум (Design Wave Catwalk Open Call):

Асобны набор на паказ 26 лістапада для дызайнераў(-ак), мастакоў(-чак), творчых каманд, студэнтаў(-ак) і незалежных брэндаў моды з любой краіны, ад 18 гадоў. Можна падавацца ў трэк PROTOTYPE (эксперыментальныя рэчы і прататыпы, з магчымасцю адбору на рэзідэнцыі) або PRODUCT (гатовыя рэчы і калекцыі, толькі паказ).

Адабраныя ўдзельнікі(-цы) атрымліваюць:

• Слот каля 5 хвілін — звычайна да 10 вобразаў (для большых калекцый могуць разгледзець даўжэйшы);
• Фізічны подыум з магчымым музычным, аўдыявізуальным або лічбавым суправаджэннем;
• Магчымасць папрацаваць у межах хакатона з перформерамі(-камі), мастакамі(-чкамі) і ментарамі(-камі) над сторытэлінгам, харэаграфіяй, музыкай і лічбавымі элементамі;
• Бачнасць праз фестывальныя паказы, дакументацыю і магчымыя лічбавыя выставы.

Умовы падтрымкі ўзгадняюць з кожным(-ай) адабраным(-ай) асобна. Колькасць слотаў абмежаваная, і рэгістрацыя не гарантуе месца. Заяўкі ацэньваюць паводле творчай якасці, адпаведнасці тэме фестывалю, магчымасці рэалізацыі і ёмістасці подыума.

Для заяўкі на подыум патрэбныя:

• Апісанне праекта;
• Партфоліа праекта або канцэпцыі з фота, эскізамі або візуалізацыямі;
• Колькасць вобразаў і інфармацыя пра мадэляў;
• Патрэбы ў бэкстэйджы, аўдыявізуальнай або тэхнічнай падтрымцы.

Што чакаецца ад удзельнікаў(-ц):

• Выбраць трэк, які адпавядае ўзроўню гатоўнасці праекта;
• Прэзентаваць ідэю, прататып або прадукт падчас фестывалю;
• У хакатоне — развіваць канцэпцыю ў камандзе разам з ментарамі(-камі).

Дэдлайн:

• Заяўкі на подыум — да 10 лістапада 2026 года;
• Рэгістрацыя на фестываль — да 26 лістапада 2026 года.

Як падавацца:

Зарэгіструйцеся на платформе b2match: стварыце профіль, выберыце тып удзелу і апішыце свой праект. Каб падацца на подыум, выберыце тып «I Want to Present My Product», трэк, опцыю Catwalk Presentation на 26 лістапада і загрузіце матэрыялы.

Кантакт: techcenter@techcenter.lv

Арганізатар:

Latvian Technological Center (LTC) разам з партнёрамі праектаў CREASheroes і Nordplus Digtex, у межах праекта Time for (S)Heroes (сярод партнёраў — Xamk і Espronceda). Праект суфінансуецца Creative Europe.