Для каго:
Маладыя міжнародныя дызайнеры(-кі), якія працуюць у сферы:

• ювелірнага дызайну;
• моды;
• аксесуараў;
• прамысловага дызайну;
• камунікацыйнага дызайну;
• іншых дызайн-дысцыплін.

Міждысцыплінарныя праекты вітаюцца.

Кандыдаты(-кі) павінны мець завершаную адукацыю ва ўніверсітэце або ўніверсітэце прыкладных навук і адпавядаць адной з умоў:

• быць не старэйшымі за 35 гадоў;
• або завяршыць навучанне не больш як 2 гады таму.

Патрэбныя навыкі англійскай або нямецкай мовы. Заяўку трэба падаваць на англійскай мове.

Пра рэзідэнцыю:
Designers in Residence — штогадовая стыпендыяльная праграма ў Pforzheim, Германія, якую ладзіць горад Pforzheim у супрацы з Pforzheim University of Applied Sciences і Design Center Baden-Württemberg.

У 2027 годзе трох дызайнераў(-ак) запросяць у EMMA — Kreativzentrum Pforzheim на 3-месячны працоўны перыяд.

Падчас рэзідэнцыі трэба працаваць над праектам, які можна рэалізаваць у межах праграмы. Вынікі будуць прадстаўленыя на выставе ў EMMA — Kreativzentrum Pforzheim.

Калі:
1 красавіка — 30 чэрвеня 2027 года

Удзельнікі(-цы) павінны знаходзіцца на рэзідэнцыі; адсутнічаць можна не больш за 10 дзён.

Што прапануюць:

• цалкам абсталяваныя працоўныя месцы ў майстэрнях EMMA — Kreativzentrum Pforzheim;
• бясплатнае пражыванне на час рэзідэнцыі;
• магчымасць карыстацца майстэрнямі Pforzheim University, калі гэта патрэбна для праекта;
• стыпендыю 1 000 EUR у месяц;
• кампенсацыю дарогі ў абодва бакі;
• падтрымку на матэрыяльныя выдаткі;
• магчымасць нэтворкінгу з журы і прафесарамі(-камі) Pforzheim University;
• фінальную выставу вынікаў рэзідэнцыі.

Колькасць месцаў:
3

Для заяўкі патрэбныя:

• CV з інфармацыяй пра папярэднія гранты, узнагароды і прэміі;
• пацвярджэнне завершанай адукацыі — пры патрэбе з завераным перакладам на нямецкую або англійскую;
• прыклады работ: прадукты, мадэлі, фотаздымкі або іншыя выявы дызайн-прац;
• апісанне праекта, які вы хочаце рэалізаваць падчас рэзідэнцыі.

Усе абавязковыя дакументы трэба загрузіць у PDF. У форме пазначана, што партфоліа можа быць да 10 старонак, максімальны памер файла — 50 MB.

Важна:

• можна падаць толькі адну заяўку;
• форму нельга часова захаваць, таму тэксты лепш загадзя падрыхтаваць у асобным дакуменце;
• рэгістрацыйнага ўнёску няма.

Q&A:
15 кастрычніка 2026 года а 14:00 CET арганізатары правядуць адкрытую Zoom-сустрэчу пра працэс падачы заяўкі.

Вынікі:
Пра рашэнне паведамяць пісьмова ў сярэдзіне снежня 2026 года.

Як падавацца:
Толькі анлайн праз партал:
https://veranstaltungen.emma-pf.de/en/events/designers-in-residence-2027

Старонка праграмы:
https://www.emma-pf.de/en/designers-in-residence/designers-in-residence-scholarship/

Арганізатары:
EMMA — Kreativzentrum Pforzheim, горад Pforzheim, Pforzheim University of Applied Sciences і Design Center Baden-Württemberg.