Для каго: маладыя дызайнеры(-кі), якія працуюць у сферы:

• ювелірнага дызайну;
• моды;
• аксесуараў;
• прамысловага дызайну;
• камунікацыйнага дызайну;
• іншых дызайн-дысцыплін.

Міждысцыплінарныя праекты вітаюцца.

Кандыдаты(-кі) павінны мець завершаную адукацыю ва ўніверсітэце або ўніверсітэце прыкладных навук і адпавядаць адной з умоў:

• быць не старэйшымі за 35 гадоў;
• або завяршыць навучанне не больш як 2 гады таму.

Патрэбныя навыкі англійскай або нямецкай мовы. Заяўку трэба падаваць на англійскай мове.

Калі: 1 красавіка — 30 чэрвеня 2027 года. Удзельнікі(-цы) павінны знаходзіцца на рэзідэнцыі; адсутнічаць можна не больш за 10 дзён.

Што прапануюць:

• Цалкам абсталяваныя працоўныя месцы ў майстэрнях EMMA — Kreativzentrum Pforzheim;
• Бясплатнае пражыванне на час рэзідэнцыі;
• Магчымасць карыстацца майстэрнямі Pforzheim University, калі гэта патрэбна для праекта;
• Стыпендыю 1 000 EUR у месяц;
• Кампенсацыю дарогі ў абодва бакі;
• Падтрымку на матэрыяльныя выдаткі;
• Магчымасць нетворкінгу з журы і прафесарамі(-камі) Pforzheim University;
• Фінальную выставу вынікаў рэзідэнцыі.

Для заяўкі патрэбныя:

• CV з інфармацыяй пра папярэднія гранты, узнагароды і прэміі;
• Пацвярджэнне завершанай адукацыі — пры патрэбе з завераным перакладам на нямецкую або англійскую;
• Прыклады работ: прадукты, мадэлі, фотаздымкі або іншыя выявы дызайн-прац;
• Апісанне праекта, які вы хочаце рэалізаваць падчас рэзідэнцыі.

Усе абавязковыя дакументы трэба загрузіць у PDF. У форме пазначана, што партфоліа можа быць да 10 старонак, максімальны памер файла — 50 MB.

Q&A: 15 кастрычніка 2026 года, 14:00 па нямецкім часе, у Zoom.

Вынікі: пра рашэнне паведамяць пісьмова ў сярэдзіне снежня 2026 года.

Арганізатары: EMMA — Kreativzentrum Pforzheim, горад Pforzheim, Pforzheim University of Applied Sciences і Design Center Baden-Württemberg.