Для каго: людзі ад 18 гадоў — верхняй узроставай мяжы няма.

Падавацца можна, калі вы:

• цікавіцеся штучным інтэлектам, медыяспажываннем, крытычным мысленнем і медыяпісьменнасцю;
• адчуваеце, што вам бракуе ведаў і кампетэнцый у гэтай тэме;
• валодаеце англійскай мовай мінімум на ўзроўні B1;
• жывяце ў Польшчы або гатовыя ехаць на трэнінг з Польшчы.

Мэты трэнінгу:

• разабрацца ў трэндах развіцця штучнага інтэлекту, яго магчымасцях і рызыках;
• развіць навыкі фасілітацыі і пабудовы раўнапраўнага дыялогу;
• умацаваць крытычнае мысленне і медыяпісьменнасць;
• лепш зразумець, як працуе інфармацыя і як яна выкарыстоўваецца;
• падтрымаць супрацоўніцтва паміж еўрапейскімі арганізацыямі і актывістамі(-камі).

Арганізатары пакрываюць:

• пражыванне ў гатэлі недалёка ад цэнтра Рыгі;
• трохразовае харчаванне падчас трэнінгу.

Дарожныя выдаткі кампенсуюцца да 309 EUR. Важна: кампенсацыя за квіткі адбываецца пасля зацвярджэння фінальнай справаздачы па праекце і можа заняць да 180 дзён. Арганізатары раяць карыстацца экалагічнымі відамі транспарту.

Адабраныя ўдзельнікі(-цы) павінны:

• адказна наведваць навучальныя заняткі;
• удзельнічаць у распаўсюдзе вынікаў праекта пасля вяртання — напрыклад, зрабіць інфармацыйную кампанію, постары, вэбінар або варкшоп па тэме трэнінгу;
• да 5 кастрычніка запоўніць план паездкі ў Латвію;
• купляць квіткі толькі пасля ўзгаднення плана паездкі і не пазней за 10 кастрычніка.

Анкету трэба запоўніць па-англійску. Арганізатары просяць шчырыя адказы без выкарыстання штучнага інтэлекту.

Для разгляду анкеты таксама патрабуецца падпіска на сацсеткі інфармацыйнага партнёра — ФОРИН-офиса — і mOST.

Калі: 30 кастрычніка — 9 лістапада 2026 года. 30 кастрычніка і 9 лістапада — дні прыезду і ад’езду.

Пра вынікі адбору паведамяць да 3 кастрычніка.

Арганізатары і партнёры:

Праект арганізуецца ў межах праграмы моладзевай мабільнасці Еўрапейскай камісіі Erasmus+.

Партнёр ад Польшчы — нефармальная моладзевая група mOST.

ФОРИН-офис — інфармацыйны і метадычны партнёр праграмы.