Для каго:

Кіраўнікі(-цы) некамерцыйных арганізацый у сферы мастацтва, культуры, спадчыны і гуманітарыстыкі — з ЗША і з любой іншай краіны. Праграма аднолькава падыходзіць і для вялікіх, і для малых арганізацый.

Умовы для таго, хто падаецца:

• Цяпер займаць кіраўнічую пасаду (CEO, Executive Director, General Manager або падобную) — на поўную стаўку, на аплатнай і пастаяннай аснове;
• Падпарадкоўвацца непасрэдна праўленню (або аналагічнаму органу) ці CEO і адказваць за стратэгію па ўсіх асноўных напрамках працы арганізацыі. Падыходзяць, напрыклад, пасады President, Executive Director, General Director, Managing Director, General Manager, Deputy Director, Vice President;
• Добра валодаць дзелавой англійскай — вусна і пісьмова.

Умовы для арганізацыі:

• Не менш за трох супрацоўнікаў(-ц) на поўную стаўку (або эквівалент);
• Не менш за тры гады рэгулярнай праграмнай дзейнасці;
• Гадавы аперацыйны бюджэт — не менш за 250 000 USD або 220 000 EUR.

Фармат:

Трохгадовая праграма: кожнае лета — чатыры тыдні інтэнсіўнага навучання ў ЗША. У 2027 годзе заняткі пройдуць 6–30 ліпеня 2027 года ў Вашынгтоне; у 2028 і 2029 гадах плануецца такі ж графік. У некаторыя гады праграму могуць праводзіць у іншых гарадах Усходняга ўзбярэжжа ЗША. Паміж летнімі сесіямі ўдзельнікі(-цы) ўкараняюць распрацаваныя стратэгіі ў сваіх арганізацыях. Мова праграмы — англійская.

Кожны год да праграмы далучаецца новая група, якая вучыцца разам з дзвюма старэйшымі. За тры гады кожны чалавек у праграме працуе з пяццю групамі.

Што прапануецца:

• Навучанне стратэгічнаму планаванню, лідарству, фандрайзінгу, маркетынгу, працы з праўленнем, кіраванню персаналам і фінансаваму планаванню;
• Тэмы курса таксама ахопліваюць бізнес-мадэль і ўстойлівасць арганізацыі, выхад з крызісу, ШІ ў мастацтве і планаванне новых культурных будынкаў;
• Праца над стратэгіяй уласнай арганізацыі на працягу ўсёй праграмы;
• Лекцыі кіраўніцтва інстытута і запрошаных экспераў і экспертак з вялікім досведам, разборы кейсаў;
• Навучанне ў групе, нетворкінг і час на рэфлексію;
• Пералёт і наземны транспарт паміж месцам навучання і вашым штатам або краінай пражывання;
• Пражыванне на час навучання;
• Суткавыя на час навучання;
• Візавая падтрымка для замежных удзельнікаў(-ц);
• Матэрыялы праграмы.

Што чакаецца ад удзельнікаў(-ц):

• Удзел ва ўсіх трох летніх сесіях па чатыры тыдні;
• Распрацоўка, укараненне і дапрацоўка стратэгій для сваёй арганізацыі.

Адбор: кожны год адбіраюць каля сямі чалавек.

Пытанні пра ўмовы ўдзелу — Fellowships@DeVosInstitute.net.

Арганізатар:

DeVos Institute of Arts and Nonprofit Management (Вашынгтон, ЗША). Праграму вядуць старшыня інстытута Michael M. Kaiser і прэзідэнт Brett Egan. Яна існуе з 2001 года.