dot.ateliers 2027 — рэзідэнцыя для творцаў, якія працуюць з жывапісам, малюнкам і іншымі выяўленчымі практыкамі
dot.ateliers | south labadi — ініцыятыва, заснаваная мастаком Amoako Boafo. Рэзідэнцыя ў цэнтры Акры дае час, прастору і рэсурсы, каб паглыбіць уласную практыку, эксперыментаваць і супрацоўнічаць з іншымі. Запрашэнне адрасаванае mark makers — мастакам(-чкам), якія працуюць з жывапісам, малюнкам і іншымі выяўленчымі практыкамі.
Для каго:
Мастакі(-чкі) ад 18 гадоў любога паходжання, гендару і грамадзянства — і тыя, хто толькі пачынае, і тыя, хто ўжо мае досвед.
Фармат:
Ад 6 тыдняў да 3 месяцаў у 2027 годзе, на месцы ў Акры (Гана). Дакладная працягласць залежыць ад вольных месцаў і вашай заяўкі.
Што прапануецца:
- Стыпендыя на матэрыялы (сума ў апісанні не пазначаная);
- Пражыванне;
- Кругласутачны доступ да майстэрні;
- Кампенсацыя дарогі ў Акру.
Ці пакрываюцца харчаванне і візавыя выдаткі, у апісанні не пазначана.
Што чакаецца ад удзельнікаў(-ц):
Гатоўнасць выходзіць за межы звыклай практыкі і актыўна ўключацца ў жыццё супольнасці рэзідэнцыі.
Для заяўкі патрэбныя:
- Адзін PDF-файл з матывацыйным лістом, біяграфіяй і CV;
- Партрэтнае фота;
- Творчая заява;
- 5–10 работ з подпісамі (назва, тэхніка, год, памеры);
- Кантакты двух чалавек, якія могуць даць рэкамендацыю;
- Відэазварот — па жаданні.
Дэдлайн: 12 кастрычніка 2026 года, 23:59 GMT.
Адказы на частыя пытанні — у FAQ.