Кожны партнёр DRIFT абірае аднаго творцу, які(-ая) на момант падачы пражывае ў адной з наступных краін: Бельгія (толькі франкамоўная супольнасць, FWB), Францыя, Германія (толькі рэгіён Берліна), Грэцыя, Нарвегія, Італія, Іспанія, Украіна, Туніс, Партугалія. Заяўку трэба падаваць праз партнёрскую арганізацыю сваёй краіны.

Прапануецца:

• Бюджэт на даследчую фазу — 20 000 EUR, які ўключае Onboarding Lab, два тыдні рэзідэнцыі з мясцовым партнёрам DRIFT і ўдзел у паказе на Biennale de la danse; сума пакрывае ганарар, паездкі, пражыванне і, пры неабходнасці, іншых супрацоўнікаў(-ц);
• 3 анлайн-лабараторыі — сумесныя працоўныя сесіі з усёй кагортай мастакоў(-чак);
• Паказ незавершанай працы на Biennale de la danse (Ліён, Францыя) у верасні 2027 года;
• Індывідуальнае мастацкае і куратарскае ментарства ад партнёрскіх арганізацый DRIFT;
• Прафесійнае сеткаванне і міжнародная бачнасць праз еўрапейскую і міжнародную партнёрскую сетку DRIFT.

Заўвага: на другім этапе (пасля дадатковага адбору) 5 з 10 адабраных мастакоў(-чак) атрымаюць падтрымку сумеснай прадукцыі і доступ да турнэ па сетцы DRIFT.

Даступнасць — абавязковыя даты:

• 30 лістапада — 1 снежня 2026 года — уступная сустрэча і пітчынг у Берліне (Германія);
• 1 лістапада 2026 — 17 верасня 2027 года — адзін Onboarding Lab, дзве мясцовыя рэзідэнцыі (два тыдні агулам) і тры анлайн-лабараторыі;
• 18–21 сакавіка 2027 года — удзел у Festival Lab у Тунісе;
• 18–25 верасня 2027 года — паказ на Biennale de la danse ў Ліёне (Францыя).

Крытэрыі адбору:

• Мастацкая якасць — сіла, цэласнасць і адметнасць практыкі мастака(-чкі);
• Актуальнасць даследчай прапановы — яснасць і дарэчнасць прапанаванага накірунку;
• Прафесійны досвед ;
• Матывацыя — глыбіня зацікаўленасці каштоўнасцямі і рамкамі DRIFT;
• Патэнцыял міжнароднага развіцця;
• Даступнасць — магчымасць удзельнічаць ва ўсіх ключавых момантах праекта.

Для падачы патрэбны:

• Мастацкае CV (PDF);
• Кароткае апісанне мастацкай практыкі і даследчай прапановы (максімум 2 старонкі, PDF) — з пазнакай, ці ўдзельнічае ў праекце каманда;
• Партфоліа і спасылкі на відэа 2–3 папярэдніх прац.

Пры разглядзе заявак асаблівая ўвага надаецца прынцыпам разнастайнасці, роўнасці і ўключанасці.

Таймлайн:

• Адбор — 1–30 верасня 2026 года;
• Аб'яўленне вынікаў — 9 кастрычніка 2026 года;
• Уступная сустрэча ў Берліне — 30 лістапада — 1 снежня 2026 года;
• Festival Lab у Тунісе — 18–21 сакавіка 2027 года;
• Паказ у Ліёне — 18–25 верасня 2027 года.

Як падавацца: праз анлайн-форму DRIFT — трэба падавацца праз партнёрскую арганізацыю сваёй краіны пражывання.

Арганізатар(кі): DRIFT — Dance & Research In The Future Time, еўрапейскі праект супрацы 10 партнёраў (сярод іх Théâtre de Liège, Maison de la danse, Onassis Stegi, HAU Hebbel am Ufer, Mercat de les Flors / Graner, Ukrainian Contemporary Dance Platform), пры падтрымцы праграмы Creative Europe.