Для каго:

Прадзюсарскія кампаніі з творчымі дакументальнымі праектамі, у цэнтры якіх гісторыя або героі(-іні): паўнаметражнымі і кароткаметражнымі фільмамі, а таксама дакументальнымі серыяламі (factual series). Заяўку падае прадзюсарская кампанія — юрыдычная асоба або ФАП з рэгістрацыйным нумарам.

• Прадзюсарская кампанія або капрадзюсар(-ка) павінны базавацца ў краіне — удзельніцы Creative Europe: у краінах ЕС, Ісландыі, Ліхтэнштэйне, Нарвегіі, Албаніі, Босніі і Герцагавіне, Чарнагорыі, Паўночнай Македоніі, Сербіі або Украіне;
• Праект павінен быць звязаны з Цэнтральнай і Усходняй Еўропай — праз каманду (рэжысёр(-ка), прадзюсар(-ка) або капрадзюсар(-ка) працуюць у рэгіёне) або праз гісторыю, тэму ці герояў(-інь);
• Рэжысёр(-ка) і прадзюсар(-ка) павінны свабодна працаваць па-англійску.

Не могуць падавацца:

• Праекты, з рэгіёнам якіх звязвае толькі месца жыхарства рэжысёра(-кі);
• Гатовыя фільмы — у East Doc Forum (для іх ёсць асобная секцыя East Doc Market);
• Праекты без візуальных матэрыялаў — трэйлера, тызера, чарнавога мантажу або фільма.

Фармат:

5–12 сакавіка 2027 года ў Празе і 23–24 сакавіка 2027 года анлайн. Працоўная мова — англійская. Заяўку падаюць у адну з трох секцый:

• East Doc Forum — для паўнаметражных дакументальных фільмаў і серыялаў на стадыі распрацоўкі або вытворчасці: шасцідзённы падрыхтоўчы варкшоп 5–10 сакавіка, рэпетыцыя пітчу, публічная прэзентацыя 11 сакавіка і індывідуальныя сустрэчы 11–12 сакавіка;
• East Doc Market for Films in Development and Production — загадзя дамоўленыя сустрэчы 11–12 сакавіка для паўнаметражных фільмаў і серыялаў на стадыі распрацоўкі або вытворчасці;
• East Doc Market for Rough Cuts and Finished Films — сустрэчы 10 сакавіка з адборшчыкамі(-цамі) фестываляў, сейлз-агентамі і іншымі прафесіяналамі(-ламі) для кароткіх і паўнаметражных фільмаў і серыялаў у чарнавым мантажы або гатовых.

Кожная сустрэча доўжыцца 15 хвілін, графік складаюць паводле інтарэсаў абодвух бакоў. Пасля Прагі ўсе секцыі працягваюцца на Online Market 23–24 сакавіка.

Што прапануецца:

• Пітчынг перад міжнароднымі прафесіяналамі(-ламі) індустрыі і падрыхтоўчы варкшоп — у East Doc Forum;
• Загадзя дамоўленыя сустрэчы з капрадзюсарамі(-камі), тэлеканаламі, фондамі, сейлз-агентамі, дыстрыб'ютарамі і адборшчыкамі(-цамі) фестываляў;
• Акрэдытацыя на індустрыяльную праграму і нетворкінг-падзеі;
• Удзел у Online Market 23–24 сакавіка 2027 года.

Што чакаецца ад удзельнікаў(-ц):

• Пацвердзіць удзел да 1 лютага 2027 года і падпісаць дамову;
• Аплаціць удзел да 17 лютага 2027 года;
• Своечасова здаць матэрыялы для каталога, форму акрэдытацыі і пажаданні па сустрэчах;
• У East Doc Forum рэжысёр(-ка) і прадзюсар(-ка) абавязкова ўдзельнічаюць ва ўсім варкшопе, рэпетыцыі і пітчынгу;
• Прыходзіць на ўсе запланаваныя сустрэчы;
• Дазволіць паказваць трэйлер, кадры і запіс пітчу акрэдытаваным прафесіяналам(-кам) у анлайн-бібліятэцы платформы;
• Адказаць на кароткія апытанні пра лёс праекта праз 6, 12 і 18 месяцаў;
• Па магчымасці ехаць цягніком або іншым грамадскім транспартам;
• Змясціць лагатып Institute of Documentary Film у тытрах і рэкламных матэрыялах гатовага фільма.

Колькі каштуе ўдзел:

Падаць заяўку можна бясплатна. Абраныя праекты плацяць удзельны ўнёсак (сумы без ПДВ):

• East Doc Forum — 350 EUR за праект;
• East Doc Market for Films in Development and Production — 300 EUR за праект;
• East Doc Market for Rough Cuts and Finished Films — 200 EUR за праект;
• Абавязкова дадаткова — sustainability fee (збор на экалагічныя меры падзеі) 10 EUR з кожнага ўдзельніка(-цы).

Асобна аплачваюцца нетворкінг-ланчы і пачастункі (цэны паведамяць у лісце пра адбор), дадатковыя пасы і пражыванне, калі яго браніруюць арганізатары(-кі). Кампаніі з ЕС павінны мець сапраўдны VAT-нумар да выстаўлення рахунку.

Для заяўкі патрэбныя:

Усе тэксты і дакументы — па-англійску; відэа — па-англійску або з англійскімі субцітрамі.

• Асноўныя звесткі пра праект: назва, рэжысёр(-ка), прадзюсар(-ка), кампанія, краіны вытворчасці, хранаметраж або колькасць серый, стадыя;
• Логлайн — да 220 знакаў з прабеламі;
• Сінопсіс — да 1 400 знакаў з прабеламі;
• Тры кадры з фільма;
• Біяграфія і фільмаграфія рэжысёра(-кі); біяграфія, фільмаграфія і апісанне кампаніі прадзюсара(-кі);
• Фота рэжысёра(-кі) і прадзюсара(-кі);
• Рэквізіты кампаніі: назва, юрыдычны адрас, рэгістрацыйны нумар і VAT-нумар, калі ёсць;
• Пацвярджэнне ў форме, што звесткі дакладныя, праект адпавядае ўмовам, а правы на матэрыялы належаць вам.

Для East Doc Forum і East Doc Market for Films in Development and Production дадаткова:

• Трытмэнт або апісанне серый — да 5 500 знакаў з прабеламі;
• Кароткі бюджэт і фінансавы план;
• Спасылка на трэйлер або тызер;
• Відэа на 2–5 хвілін, дзе рэжысёр(-ка) і/або прадзюсар(-ка) тлумачаць, чаму робяць гэты фільм і навошта яму/ёй East Doc Platform; можна зняць на тэлефон, якасць здымкі не ацэньваюць.

Для East Doc Market for Rough Cuts and Finished Films дадаткова — спасылка на чарнавы мантаж або гатовы фільм; трэйлер ці тызер пажаданыя, але не абавязковыя.

Як падавацца:

Праз адну з дзвюх анлайн-формаў: для праектаў на стадыі распрацоўкі або вытворчасці(знешні сайт) або для чарнавога мантажу ці гатовага фільма(знешні сайт). Адзін праект — адна заяўка ў адну секцыю. Пасля адпраўкі заяўку нельга змяніць самастойна — пра выпраўленні пішыце арганізатарам(-кам) да дэдлайну. Спасылкі павінны працаваць да канца перыяду абскарджання, таму не карыстайцеся файлаабменнікамі з абмежаваным тэрмінам; калі відэа пад паролем, дадайце пароль. Перад падачай прачытайце Guidelines(знешні сайт) і Call conditions(знешні сайт).

Адбор:

Спачатку заяўкі праходзяць фармальную праверку. У першым туры каманда Institute of Documentary Film складае кароткі спіс, у другім яго ацэньвае камісія з міжнародных прафесіяналаў(-лак) дакументальнага кіно і прадстаўнікоў(-ніц) арганізатараў. Крытэрыі:

• Мастацкая якасць і арыгінальнасць — 30%;
• Міжнародны патэнцыял — 20%;
• Сувязь з рэгіёнам — 20%;
• Каманда і досвед — 15%;
• Гатоўнасць праекта і адпаведнасць секцыі — 15%.

Пры роўных ацэнках перавага аддаецца праектам з краін з невялікай аўдыявізуальнай вытворчасцю, рэжысёрам(-кам) з першым ці другім фільмам і групам, якія мала прадстаўленыя ў індустрыі. Па запыце арганізатары(-кі) дасылаюць кароткі водгук на заяўку.

Таймлайн:

• Да 26 студзеня 2027 года — вынікі ўсім заяўнікам(-цам) па email;
• Да 1 лютага 2027 года — пацвярджэнне ўдзелу;
• Да 17 лютага 2027 года — аплата ўнёску;
• 5–10 сакавіка 2027 года — падрыхтоўчы варкшоп East Doc Forum;
• 10–12 сакавіка 2027 года — Industry Days у Празе;
• 23–24 сакавіка 2027 года — Online Market.

Кантакт:

Пытанні пра заяўку — Nora Särak, sarak@dokweb.net. Кіраўніца праекта — Veronika Janatková, janatkova@dokweb.net.

Арганізатар:

Institute of Documentary Film — пражская арганізацыя, якая 25 гадоў падтрымлівае дакументальнае кіно Цэнтральнай і Усходняй Еўропы. East Doc Platform фінансуюць Creative Europe MEDIA, Чэшскі аўдыявізуальны фонд, Міністэрства культуры Чэхіі, горад Прага і Audiovisual Producers’ Association (APA).