Для каго:

Журналісты(-кі), медыяработнікі(-цы), дакументалісты(-кі) і фотажурналісты(-кі), якія сутыкаюцца з ціскам, пераследам, запалохваннем або пагрозамі з-за сваёй працы, а таксама тыя, хто працуе пад ціскам і мае патрэбу ў перапынку.

Трэба легальна жыць у адной з краін ЕС або краін-кандыдатаў: Албанія, Аўстрыя, Бельгія, Боснія і Герцагавіна, Балгарыя, Харватыя, Кіпр, Чэхія, Данія, Эстонія, Фінляндыя, Францыя, Грузія, Германія, Грэцыя, Венгрыя, Ірландыя, Італія, Латвія, Літва, Люксембург, Мальта, Малдова, Чарнагорыя, Нідэрланды, Паўночная Македонія, Польшча, Партугалія, Румынія, Сербія, Славакія, Славенія, Іспанія, Швецыя, Турцыя, Украіна.

Фармат:

Часовы пераезд у Лейпцыг (Германія) на 3 або да 6 месяцаў у 2027 годзе. Там можна адпачыць і аднавіцца, працягваць расследаванні і публікацыі ва ўласным тэмпе, знайсці кантакты і падтрымку.

Што прапануецца:

• Стыпендыя 1 000 EUR на месяц на базавыя выдаткі;
• Бясплатная мэбляваная кватэра ў Лейпцыгу;
• Базавая медыцынская страхоўка;
• Аплата дарогі ў Лейпцыг і назад;
• Кампенсацыя візавых выдаткаў.

Паводле патрэбаў таксама магчымыя: псіхалагічная падтрымка, моўны курс, трэнінгі па лічбавай бяспецы, расследавальніцкай журналістыцы і працы з сацсеткамі, нетворкінг і працоўнае месца ў офісе ECPMF.

Для заяўкі патрэбныя:

• Запоўненая форма заяўкі(знешні сайт);
• Запоўнены апытальнік(знешні сайт);
• CV;
• Не менш за два рэкамендацыйныя лісты ад аўтарытэтных праваабарончых або медыяарганізацый, якія пацвярджаюць як мінімум 3 гады журналісцкай працы, а таксама ціск, пагрозы, пераслед і цяжкасці з псіхічным здароўем, звязаныя з гэтай працай;
• Дакументы, якія сведчаць асобу, і сапраўдны пашпарт.

Таксама трэба ведаць англійскую, нямецкую або расейскую мову не ніжэй за ўзровень A2 — гэта будуць правяраць.

Як падавацца:

Даслаць усе дакументы на journalistsinresidence@ecpmf.eu.

Адбор:

Заяўкі праходзяць грунтоўную праверку, потым рашэнне прымае адборачная камісія.

Арганізатар:

Праграму праводзіць European Centre for Press and Media Freedom (ECPMF) у Лейпцыгу ў межах кансорцыума Media Freedom Rapid Response (MFRR).

Важна:

• Арганізацыі, якія займаюцца часовым пераездам журналістаў(-ак), могуць звярнуцца ў ECPMF па тым жа адрасе, каб перадаць ужо правераныя выпадкі.