EIT STEM Tech Talent Induction Project Manager у EIT Culture & Creativity — да 65 000 EUR у год
EIT STEM Tech Talent Induction — ініцыятыва Еўрапейскага інстытута інавацый і тэхналогій (EIT), якую фінансуе ЕС у межах STEM Education Strategic Plan Еўракамісіі і Union of Skills. Яе разам рэалізуюць некалькі EIT KIC пад каардынацыяй EIT Culture & Creativity. Арганізацыя шукае Project Manager на два гады, які(-ая) будзе кіраваць ініцыятывай і яе камандай — ад запуску ў 2026 годзе да канца 2028 года.
Працаўладкаванне магчымае толькі ў Бельгіі, Нідэрландах або Аўстрыі.
Для каго:
- Ступень бакалаўра або магістра (або адпаведны досвед) у кіраванні праектамі, адукацыяй, інавацыямі, бізнес-адміністраванні або сумежнай галіне, у тым ліку з фокусам на STEM;
- Не менш за 5 гадоў досведу кіравання праектамі, з іх не менш за 3 гады — складаныя міжнародныя праекты з многімі партнёрамі, пажадана фінансаваныя ЕС;
- Досвед кіраўніцтва праектамі або праграмамі ў адукацыі, навучанні або развіцці навыкаў;
- Досвед працы з еўрапейскімі інстытуцыямі, бізнесам і адукацыйнымі экасістэмамі;
- Уменне весці некалькі праектаў адначасова, рыхтаваць падрабязныя справаздачы і статыстыку па выніках года;
- Упэўненая праца ў праграмах для кіравання праектамі і высокі ўзровень у Excel або інструментах аналізу даных;
- Выдатная пісьмовая і вусная англійская;
- Уменне выбудоўваць адносіны і весці перамовы з партнёрамі, палітыкамі, EIT KIC і іншымі ўплывовымі ўдзельнікамі. Упэўненыя публічныя выступы;
- Аналітычныя навыкі, уважлівасць да дэталяў, праца ў міжнароднай камандзе, уменне расстаўляць прыярытэты пад ціскам тэрмінаў;
- Зацікаўленасць у развіцці STEM-адукацыі ў Еўропе і ў спалучэнні STEM з творчымі і інавацыйнымі падыходамі (STEAM).
Плюсам будуць:
- Досвед працы з экасістэмай EIT;
- Досвед або веды ў прадпрымальніцкай адукацыі і інавацыях;
- Досвед з сертыфікацыямі, акрэдытацыямі або micro-credentials (мікракваліфікацыямі);
- Веданне кіравання сайтамі або платформамі, збору і візуалізацыі даных для справаздач пра ўплыў;
- Веданне палітык, ініцыятыў і фінансавання ЕС, конкурсаў, закупак і працэдур ацэнкі;
- Іншыя еўрапейскія мовы.
Фармат:
- Пасада на поўны дзень, кантракт на два гады — на тэрмін праекта;
- Пераважна дыстанцыйна, з перыядычнымі сустрэчамі ўжывую і камандзіроўкамі;
- Працаўладкаванне магчымае толькі ў Бельгіі, Нідэрландах або Аўстрыі;
- Падпарадкаванне — дырэктару(-цы) па адукацыі;
- Пачатак — як мага хутчэй.
Што прапануецца:
- Заробак 60 000–65 000 EUR у год — у залежнасці ад досведу і краіны працы;
- Штогадовы бонус да 10% гадавога заробку брута — у залежнасці ад вашых вынікаў і вынікаў арганізацыі;
- Удзел у будаванні арганізацыі, якая хоча ўплываць на будучыню Еўропы;
- Кароткія працэсы, простая ўнутраная камунікацыя, плоская структура і свабода дзейнічаць;
- Прыязная каманда і магчымасць працаваць дыстанцыйна;
- Доступ да адной з найбуйнейшых інавацыйных экасістэм Еўропы;
- Міжнароднае і мультыкультурнае асяроддзе.
Што чакаецца ад удзельнікаў(-ц):
- Каардынаваць стратэгічнае ўкараненне і прасоўванне ініцыятывы, каб зрабіць яе флагманскай праграмай у еўрапейскай адукацыі і развіцці навыкаў;
- Сачыць за адпаведнасцю мэтам EIT і палітыкам ЕС: сучасныя STEM-праграмы ў школах, прафесійнай і вышэйшай адукацыі, больш студэнтаў(-ак) з розных асяродкаў у STEM, патрэбы працадаўцаў, падтрымка жанчын у STEM;
- Весці ініцыятыву цалкам — ад распрацоўкі і запуску ў 2026 годзе да выканання рабочага плана да канца 2028 года;
- Каардынаваць каманду, якая адказвае за камунікацыі, развіццё бізнесу, платформу, каскаднае фінансаванне і конкурсы, якасць навучальных праграм, працу з партнёрамі і супольнасцю;
- Быць галоўнай кропкай кантакту для ўсіх EIT KIC, якія ўдзельнічаюць у ініцыятыве, і для EIT;
- Курыраваць маніторынг і справаздачнасць па ўсіх KPI ініцыятывы паводле патрабаванняў EIT;
- Весці падрабязны рабочы план і каардынаваць справаздачы, каб вынікі — конкурсы, справаздачы, падзеі, кампаніі — здаваліся ў тэрмін і ў межах бюджэту;
- Выяўляць, ацэньваць і змяншаць рызыкі;
- Дапамагаць арганізоўваць падзеі і канферэнцыі, весці рэгулярныя рабочыя сустрэчы і варкшопы;
- Прадстаўляць ініцыятыву на падзеях, у тым ліку на высокім еўрапейскім узроўні.
Для заяўкі патрэбныя:
- Падрабязнае CV з адпаведным досведам;
- Матывацыйны ліст — як вы адпавядаеце крытэрыям і як бачыце сваю ролю, не больш за дзве старонкі A4.
Абодва дакументы — па-англійску, двума асобнымі файламі. Няпоўныя заяўкі не разглядаюць.
Адбор:
Заяўкі ацэньвае камісія экспертаў(-ак), яе праца канфідэнцыйная. Першыя этапы інтэрв'ю — анлайн, фінальны — асабіста з вышэйшым кіраўніцтвам. Могуць папрасіць дакументы, якія пацвярджаюць кваліфікацыю і досвед, а таксама запрасіць на інтэрв'ю на іншыя вакансіі арганізацыі.
Пытанні пра падачу — hiring@eit-culture-creativity.eu.
Арганізатар:
EIT Culture & Creativity — партнёрства, якое ў 2023 годзе запусціў European Institute of Innovation and Technology (EIT), орган ЕС. Яно падтрымлівае культурныя і творчыя сектары праз фінансаванне, веды і кансультацыі. Штаб-кватэра — у Кёльне, рэгіянальныя хабы — у Амстэрдаме, Барселоне, Балонні, Хельсінкі, Кошыцах і Вене.