Для каго:

• Мастакі(-чкі), дуэты, калектывы і іншыя формы супрацы, якія працуюць з лічбавым, медыя-, робататэхнічным і біялагічным мастацтвам (digital, media, robotic, bio art);
• Дактаранты(-кі) і аўтары(-кі) на пачатку кар'еры — незалежна ад узросту і бэкграўнду.

Партнёр(-ка) па калабарацыі — абавязковая ўмова. Падавацца трэба дуэтам, калектывам або з прапановай сумеснага праекта. Пры гэтым партнёра(-ку) не абавязкова мець на момант падачы — яго можна знайсці пазней.

Умова па краіне: заяўнік(-ца) мусіць быць рэзідэнтам(-кай) або падаткаплацельшчыкам(-цай) краіны ЕС — або іншай краіны, якая ўдзельнічае ў праграме Creative Europe.

Студэнты(-кі) бакалаўрыяту і магістратуры падавацца не могуць.

Пятнаццаць прымальных інстытуцый:

• Ars Electronica — Лінц, Аўстрыя;
• Chroniques — Марсэль, Францыя;
• CIKE — Кошыцэ, Славакія;
• gnration — Брага, Партугалія;
• iMAL — Брусель, Бельгія;
• IMPAKT — Утрэхт, Нідэрланды;
• Kersnikova Institute — Любляна, Славенія;
• KONTEJNER — Заграб, Харватыя;
• LABoral — Хіхон, Іспанія;
• MEET — Мілан, Італія;
• NeMe — Лімасол, Кіпр;
• Onassis Foundation — Афіны, Грэцыя;
• RIXC — Рыга, Латвія;
• werkleitz — Гале, Германія;
• WRO — Вроцлаў, Польшча.

Што прапануецца:

• 4 000 EUR — ганарар аўтару(-цы), які(-ая) падае заяўку;
• 2 000 EUR — ганарар партнёру(-цы) па калабарацыі;
• 4 000 EUR — асобны вытворчы бюджэт праекта;
• Бясплатнае пражыванне;
• Кампенсацыя дарогі паводле стандартных лімітаў ЕС;
• Доступ да студый і лабараторый інстытуцыі.

Створаныя працы могуць паехаць далей праз сетку EMAP — гэта больш за 150 партнёрскіх інстытуцый — і трапляюць у пастаянны архіў медыямастацтва EMAP.

Фармат: два месяцы ў інстытуцыі цягам 2027 года.

Дэдлайн: 6 лістапада 2026 года, 14:00 CET.

Арганізатар: European Media Art Platform (EMAP) — кансорцыум пятнаццаці еўрапейскіх інстытуцый медыямастацтва, пры падтрымцы праграмы Creative Europe.