Для каго:

Прафесійныя візуальныя мастакі(-чкі) з Квебека, Канады і іншых краін — і дасведчаныя, і на раннім этапе кар'еры. Калектывы таксама могуць падавацца.

Летняя рэзідэнцыя 2027 года курыруецца асобна (гл. «Тэма») і адкрытая таксама для танца, музыкі, паэзіі, навукі і міждысцыплінарных практык. На яе перавага аддаецца мастакам(-чкам) афрыканскага паходжання, але падавацца могуць усе, чыя практыка рэзануе з тэмай.

Асабліва чакаюць заявак ад мастакоў(-чак) з недастаткова прадстаўленых, маргіналізаваных груп і меншасцяў.

Фармат:

Восем тыдняў у Saint-Jean-Port-Joli (Квебек, Канада), у вясковай мясцовасці на беразе ракі Святога Лаўрэнція. За сезон рэзідэнцыя прымае чатырох мастакоў(-чак). Сезоны:

• Вясна: 19 красавіка – 11 чэрвеня 2027 года;
• Лета (куратарская рэзідэнцыя): 5 ліпеня – 27 жніўня 2027 года;
• Восень: 27 верасня – 19 лістапада 2027 года;
• Зіма: 24 студзеня – 18 сакавіка 2028 года.

Тэма:

Летнюю рэзідэнцыю курыруе Cécilia Bracmort, яна называецца «Corps céleste, corps terrestre» («Нябеснае цела, зямное цела»). Цэнтральная ідэя — осмас: павольная ўзаемная трансфармацыя, праз якую людзі, матэрыялы і асяроддзе ўплываюць адно на аднаго. Куратарка зыходзіць з досведу чарнаскурых людзей і хоча пераасэнсаваць выявы чорнага цела па-за яго фізічнай і сацыяльнай роляй. Праца будзе ў дыялогу з ландшафтам, ракой і небам Saint-Jean-Port-Joli; адзін з ключавых момантаў — метэорны дождж Персеіды.

Што прапануецца:

• Ганарар 2 080 CAD (≈ 1 320 EUR) за рэзідэнцыю;
• Асобная студыя-майстэрня, дзе таксама жывяце;
• Доступ да спецыяльнага абсталявання для працы з дрэвам, металам і керамікай;
• Дакументацыйны цэнтр (кнігі, часопісы) і мясцовыя рэсурсы;
• Тэхнічная, мастацкая і лагістычная падтрымка;
• Ровар у сезон або часам мясцовы транспарт узімку;
• Дадатковы ганарар 300 CAD (≈ 190 EUR), калі абяруць вашу прапанову варкшопа для моладзевай або мясцовай арганізацыі.

За свой кошт: матэрыялы, дарога і іншыя бытавыя выдаткі.

Што чакаецца ад удзельнікаў(-ц):

• Цалкам выкарыстаць час рэзідэнцыі для свайго даследавання;
• Быць на месцы ўвесь перыяд рэзідэнцыі;
• Распавесці пра свой падыход і даследчыя інтарэсы на публічнай падзеі ў пачатку рэзідэнцыі;
• Паказаць даследаванні і эксперыменты на публічнай падзеі ў канцы рэзідэнцыі;
• Па жаданні — прапанаваць варкшоп для моладзевай або мясцовай арганізацыі.

Для заяўкі патрэбныя:

• CV — да двух старонак, PDF;
• Тэкст з творчай заявай і планамі даследавання і эксперыментаў, з тэхнічнымі патрэбамі, калі ёсць, — да адной старонкі, PDF;
• Партфоліа з 10–15 выяваў адным PDF са спісам апісанняў; відэа — спасылкай на Vimeo або YouTube (з паролем, калі ён патрэбны).

Як падавацца:

Толькі праз анлайн-форму(знешні сайт). Калі вам зручней падаць заяўку ў іншым фармаце (аўдыё, відэа), напішыце на info@estnordest.org або патэлефануйце: +1 418-598-6363.

Адбор:

• Адпаведнасць мандату цэнтра — даследаванне і эксперымент, а не вытворчасць і завяршэнне праекта;
• Наколькі рэзідэнцыя і яе асаблівасці (час, майстэрні, падзеі, супольнасць) могуць паўплываць на вашу кар'еру;
• Дакладнасць і яснасць прапановы;
• Гатоўнасць удзельнічаць у жыцці цэнтра.

Кантакт: info@estnordest.org, +1 418-598-6363. Ёсць FAQ(знешні сайт).

Арганізатар:

Est-Nord-Est — цэнтр мастацкіх рэзідэнцый, якім кіруюць самі мастакі(-чкі), у Saint-Jean-Port-Joli (Квебек). Працуе з 1992 года.

Важна:

• З дзецьмі можна прыехаць толькі ў восеньскі сезон 2027 года. Можна ўзяць з сабой аднаго дарослага без дадатковай аплаты, але ён жыве ў той жа студыі;
• Калектыў дзеліць адну студыю, ганарар атрымлівае кожны ўдзельнік(-ца).