Для каго:
Індывідуальныя эксперты(-кі) і кансультанты(-кі), якія маюць не менш за 7 гадоў досведу ў культурным менеджменце, развіцці арганізацый, культурных экасістэм, фасілітацыі або ментарстве.

Важныя:

• Досвед працы з культурнымі арганізацыямі, супольнасцямі, сеткамі або платформамі;
• Вопыт фасілітацыі, кансультавання, ментарства або арганізацыйнага развіцця;
• Разуменне адпаведнага культурнага і рэгіянальнага кантэксту;
• Валоданне адпаведнымі мясцовымі мовамі і англійскай;
• Гатоўнасць да анлайн-сустрэч і паездак у межах праграмнага кантэксту, калі гэта будзе неабходна.

Запрашаюцца заяўкі на ментарскія пазіцыі ў наступных краінах і праграмных кантэкстах:

– Арменія;
– Грузія;
– Рэспубліка Малдова;
– Украіна;
– Беларускі культурны і крэатыўны сектар у выгнанні.

Для кожнай краіны або праграмнага кантэксту плануецца выбраць да двух ментараў(-ак), якія будуць працаваць як узаемадапаўняльная пара.

Можна падавацца на адну з дзвюх роляў:

1. Ментар(-ка) для культурных арганізацый-пасярэднікаў

Падтрымка арганізацый, якія злучаюць, прадстаўляюць або ўзмацняюць іншых дзеячаў(-чак) культурнага і крэатыўнага сектара.

Ментар(-ка) дапамагае арганізацыям:

• Вызначыць мэтавыя групы і патрэбы сектара;
• Распрацаваць практычную каштоўнасную прапанову: сэрвіс, платформу, сетку, мадэль падтрымкі або адвакацыйны інструмент;
• Праверыць і ўдасканаліць рашэнне;
• Планаваць устойлівасць, партнёрствы і развіццё.

2. Ментар(-ка) для Creative Platforms / Living Labs

Падтрымка крэатыўных платформ, якія аб’ядноўваюць прадстаўнікоў(-ц) сектара для сумеснага аналізу патрэбаў, распрацоўкі рашэнняў і дарожнай мапы развіцця.

Для беларускага кантэксту Living Lab будзе працаваць з тэмамі кніг, літаратуры і выдавецкай справы.

Ментар(-ка) дапамагае з:

• Стварэннем структуры і мадэлі кіравання платформай;
• Уцягненнем удзельнікаў(-ц) і партнёраў;
• Фасілітацыяй працэсаў сумеснай распрацоўкі;
• Падрыхтоўкай дарожнай мапы развіцця экасістэмы;
• Тэставаннем і паляпшэннем пілотных дзеянняў.

Прапануецца:

• Сэрвісны кантракт па асобных пакетах работ;
• Удзел у ментарскай падрыхтоўцы EU4Culture II;
• Абмен досведам з іншымі ментарамі(-камі) і міжнароднымі экспертамі(-камі);
• Аплата паводле прапанаванай заяўнікам(-цай) дзённай стаўкі ў EUR;
• Пакрыццё ўхваленых выдаткаў на дарогу і пражыванне.

На першым этапе прадугледжана прыкладна 20–25 працоўных дзён на аднаго(-ну) ментара(-ку). Наступныя этапы будуць узгадняцца асобна.

Тэрміны працы:

Падрыхтоўка ментараў(-ак): кастрычнік — лістапад 2026 года.

Праграма можа працягвацца да сакавіка 2029 года, але гэта не гарантуе бесперапынную працу або актывацыю ўсіх этапаў.

Пытанні:
Да 9 ліпеня 2026 года, 23:59 CEST.