Для каго:

Незалежныя еўрапейскія прадзюсарскія кампаніі, якія ўжо выпускалі фільмы або серыялы ў міжнародны пракат.

• Кампанія — юрыдычная асоба, зарэгістраваная ў краіне, што цалкам удзельнічае ў напрамку MEDIA праграмы Creative Europe (краіны ЕС, а таксама краіны ЕЭП і асацыяваныя краіны са спісу праграмы, напрыклад Украіна), і большасць яе долі належыць грамадзянам(-кам) гэтых краін;
• Кампанія незалежная: адной тэлекампаніі або стрымінгавай платформе належыць не больш за 25% яе капіталу (калі такіх уладальнікаў некалькі — разам не больш за 50%);
• З 2020 года кампанія выпусціла дзве працы (ігравое кіно, анімацыя або творчая дакументалістыка агульнай працягласцю ад 24 хвілін; для імерсіўных праектаў мінімальнай працягласці няма), якія камерцыйна паказвалі ў кінатэатрах, на ТБ або на лічбавых платформах мінімум у трох краінах, акрамя краіны кампаніі. Фестывальныя паказы не лічацца;
• У гэтых працах кампанія была адзінай прадзюсарскай кампаніяй, асноўным сапрадзюсарам паводле фінансавага плана або дэлегаваным прадзюсарам, ці яе кіраўнік(-ца) або прамы(-ая) акцыянер(-ка) пазначаны(-ая) ў цітрах як прадзюсар(-ка);
• Фізічныя асобы падавацца не могуць, выключэнне — індывідуальныя прадпрымальнікі(-цы).

Што можна падаць:

• Пакет з 3–5 праектаў на стадыі распрацоўкі: ігравое кіно, анімацыя або творчая дакументалістыка;
• Поўнаметражныя фільмы для кінапракату — ад 60 хвілін;
• Праекты для ТБ або лічбавых платформаў (адзінкавыя або серыялы): ігравыя — агулам ад 90 хвілін, анімацыя — ад 24 хвілін, дакументалістыка — ад 50 хвілін;
• Інтэрактыўныя і імерсіўныя праекты (напрыклад, наратыўная VR) — любой працягласці;
• Па жаданні — кароткаметражку да 20 хвілін рэжысёра(-кі), які(-ая) яшчэ не здымаў(-ла) праектаў такога ўзроўню; тут падтрымліваюцца і распрацоўка, і вытворчасць.

Першы здымачны дзень (для анімацыі — пачатак анімацыі) павінен быць не раней чым праз 10 месяцаў пасля дэдлайну, для кароткаметражкі — пасля дэдлайну. Не падтрымліваюцца ток-шоу, рэаліці, навучальныя і рэкламныя праекты, музычныя кліпы, відэагульні, студэнцкія і дыпломныя фільмы і іншыя фарматы са спісу ў дакуменце конкурсу.

Што прапануецца:

• Грант ЕС ад 90 000 да 510 000 EUR на пакет;
• Фіксаваная сума (lump sum) за кожны праект: анімацыя — 55 000 EUR (серыял — 60 000 EUR), творчая дакументалістыка — 30 000 EUR (серыял — 35 000 EUR), ігравы фільм — 45 000 EUR або 60 000 EUR пры бюджэце вытворчасці больш за 5 млн EUR, ігравы серыял — ад 55 000 да 100 000 EUR у залежнасці ад бюджэту, кароткаметражка — 10 000 EUR;
• Аванс — звычайна 70% сумы пасля падпісання дагавора.

Агульны бюджэт конкурсу — 22 374 320 EUR. Праект доўжыцца звычайна да 36 месяцаў.

Для заяўкі патрэбныя:

• Анкета (часткі A, B і C) у сістэме падачы; частка B — да 70 старонак;
• Звесткі пра праекты з базы Creative Europe MEDIA Database;
• Творчае дасье праектаў па абавязковым шаблоне;
• Дагаворы на правы, падпісаныя не пазней за дзень дэдлайну;
• Дакументы пра капрадукцыю, дыстрыбуцыю і фінансаванне — калі ёсць;
• Дэкларацыі пра незалежнасць і еўрапейскую ўласнасць і пра мову матэрыялаў.

Дэдлайн: 1 снежня 2026 года, 17:00 па брусельскім часе (CET) — гэта 17:00 па Варшаве і 19:00 па Мінску. Вынікі — у траўні 2027 года, падпісанне дагавораў — у жніўні 2027 года.

Як падавацца:

Праз сістэму падачы на старонцы конкурсу ў EU Funding & Tenders Portal. Спачатку трэба стварыць уліковы запіс EU Login і зарэгістраваць кампанію, каб атрымаць 9-значны код PIC. Усе ўмовы — у дакуменце конкурсу (PDF). Па кансультацыю можна звярнуцца ў Creative Europe Desk сваёй краіны.

Старонка open call: CREA-MEDIA-2027-DEVSLATE

Кантакт: EACEA-MEDIA-DEVSLATE@ec.europa.eu

Арганізатар: Еўрапейская камісія; конкурс адміністравае European Education and Culture Executive Agency (EACEA).

Важна:

• Кампанія можа падаць толькі адну заяўку і не можа падавацца, калі атрымала грант European Slate Development або European Mini-slate Development у конкурсе 2026 года;
• Як каардынатар можна падацца толькі ў адзін з конкурсаў European Co-development, European Slate Development, European Mini-slate Development і Video Games and Immersive Content; калі заявак некалькі, разгледзяць толькі тую, у якой самы ранні дэдлайн;
• Конкурс залежыць ад канчатковага зацвярджэння бюджэту ЕС на 2027 год.