Для каго: грамадзянскія актывісты(-кі), civic tech-практыкі(-ні), даследчыкі(-цы), дызайнеры(-кі), дата-спецыялісты(-кі), распрацоўшчыкі(-цы) і іншыя людзі, якія працуюць з грамадзянскай супольнасцю.

Падавацца могуць грамадзяне(-кі):

• Арменіі;
• Азербайджана;
• Беларусі;
• Грузіі;
• Малдовы;
• Украіны.

Патрабаванні:

• 18+;
• Досвед грамадзянскага ўдзелу, лідарства або civic tech / лічбавых інавацый;
• Англійская мінімум на ўзроўні B1;
• Заяўнік(-ца) раней не атрымліваў(-ла) падтрымку Eastern Partnership Civil Society Fellowship Programme.

Важна: падтрымка даецца фізічным асобам, а не арганізацыям.

Пра праграму

Fellowships Without Borders — спецыяльны набор у межах EaP Civil Society Fellowships для людзей, чыя грамадзянская праца не спыняецца на дзяржаўных межах.

Праграма падыходзіць, калі вы:

• Жывяце ў сваёй краіне або часова за мяжой;
• Знаходзіцеся ў вымушанай міграцыі або выгнанні;
• Працуеце з супольнасцю, якая раскіданая па розных краінах;
• Хочаце вучыцца ў грамадзянскіх актараў(-ак) у іншай краіне;
• Будуеце міжнародныя партнёрствы і сеткі салідарнасці;
• Хочаце перанесці досвед з-за мяжы ў практычнае грамадзянскае дзеянне.

Праект можа адбывацца ў краінах Усходняга партнёрства, краінах ЕС або краінах-кандыдатах у ЕС, але павінен прыносіць карысць супольнасці з рэгіёна Усходняга партнёрства.

Напрамкі стыпендый:

Community Engagement Fellowships — для праектаў, звязаных з:

• Грамадзянскім удзелам і супольнаснай мабілізацыяй;
• Публічнай палітыкай і адвакацыяй;
• Даследаваннямі і зборам доказаў;
• Маніторынгам і падсправаздачнасцю;
• Развіццём арганізацый і супольнасцей;
• Супрацай паміж грамадзянскімі арганізацыямі і ініцыятывамі.

Civic Digital Fellowships — для праектаў, звязаных з:

• Лічбавымі рашэннямі для патрэбаў супольнасцей;
• Інструментамі празрыстасці і падсправаздачнасці;
• Адкрытымі данымі;
• Электронным удзелам;
• Платформамі і тэхналагічнымі рашэннямі для грамадзянскай супольнасці.

Што можна рабіць у межах праграмы:

• Навучальныя візіты;
• Назіранне за працай арганізацыі;
• Стажыроўкі;
• Даследчыя праекты;
• Адвакацыйныя і інфармацыйныя кампаніі;
• Супольнасныя ініцыятывы;
• Ментарскія і адукацыйныя праграмы;
• Супрацу паміж грамадзянскімі актарамі(-камі) у розных краінах;
• Распрацоўку або прасоўванне civic tech-рашэнняў;
• Збор і аналіз даных для палітычных рэкамендацый.

Праект павінен быць рэалістычным, мець практычны вынік і, як правіла, доўжыцца не больш за 6 месяцаў.

Прыярытэтныя тэмы:

• Устойлівая і інтэграваная эканоміка;
• Падсправаздачнасць, вяршэнства права і бяспека;
• Экалагічная і кліматычная ўстойлівасць;
• Устойлівая і інклюзіўная лічбавізацыя;
• Удзел у прыняцці рашэнняў і сацыяльная справядлівасць.

Прапануецца:

• Фінансавая падтрымка ў сярэднім каля 5000 EUR;
• Ментарства і коўчынг;
• Навучальныя магчымасці;
• Магчымасць удзелу ў сеткавых і міжнародных падзеях;
• Доступ да alumni-сеткі EaP Civil Society Fellowship.

У асобных выпадках бюджэт можа быць вышэйшы за 5000 EUR, калі гэта добра абгрунтавана ў заяўцы.

Што можа пакрывацца:

• Выдаткі на праектныя актыўнасці;
• Дарога і пражыванне;
• Камунікацыя і бачнасць праекта;
• Паслугі ментара(-кі), калі патрэбна;
• Адміністрацыйныя выдаткі да 10% бюджэту;
• Банкаўскія камісіі;
• Консульскія зборы і страхаванне, калі актуальна.

Важна: бюджэт не можа ўключаць ганарар або заробак.

Для падачы патрэбны:

• Анлайн-заяўка на англійскай мове;
• Апісанне досведу і грамадзянскай дзейнасці;
• Праектная прапанова;
• Бюджэт;
• План актыўнасцей;
• CV;
• Рэкамендацыйны ліст;
• Пацверджанне грамадзянства;
• Пацверджанне ўзроўню англійскай.

Калі анлайн-падача можа быць небяспечнай, можна напісаць арганізатарам на eapcivilsociety@protonmail.com і запытаць альтэрнатыўны спосаб падачы.

Арганізатар:
Eastern Partnership Civil Society Facility, пры падтрымцы Еўрапейскага Саюза.