Для каго:

Асобныя артысты(-кі), а таксама незалежныя прафесійныя кампаніі і групы на раннім этапе кар'еры з Італіі і іншых краін, якія працуюць у сучасным тэатры, танцы і сцэнічных мастацтвах і эксперыментуюць са сцэнічнай мовай. Група можа мець любую юрыдычную форму, калі яна дазваляе выканаць адміністрацыйныя працэдуры, патрэбныя для паказу.

Пад эксперыментальным тэатрам арганізатары(-кі) разумеюць працу, якая сапраўды шукае новае ў драматургіі (як сцэнічнай кампазіцыі), у працы актора ці акторкі, у ролі аўдыторыі і ў сцэнічнай прасторы.

Не могуць падавацца:

• Аматарскія пастаноўкі;
• Драматычны тэатр (teatro di prosa — класічныя пастаноўкі паводле п'есы);
• Забаўляльныя паказы.

Фармат:

• Фестываль пройдзе 9–13 чэрвеня 2027 года ў Равіга (Італія), на пляцоўках фестывалю;
• Паказы магчымыя таксама ў нетэатральных месцах і пад адкрытым небам;
• Працягласць пастаноўкі — не больш за 60 хвілін;
• Падыходзяць арыгінальныя працы, якія яшчэ нідзе не паказвалі, або працы з прэм'ерай у сезоне 2026/2027;
• Мастацкая дырэкцыя можа папрасіць паказаць пастаноўку некалькі разоў за адзін дзень.

Што прапануецца:

• Ганарар для кожнай абранай кампаніі — сума па дамоўленасці, выплачваецца пасля выстаўлення рахунку;
• Пры патрэбе — пражыванне ў гасцявым доме-партнёры фестывалю, толькі для тых, хто заняты ў паказе (артысты(-кі) і тэхнічная каманда);
• Арганізацыю, камунікацыю, персанал і прасоўванне бярэ на сябе фестываль; паводле італьянскай версіі ўмоў — таксама адлічэнні ў SIAE (італьянскае таварыства аўтарскіх правоў);
• Паказ у праграме XXIII выпуску Festival Opera Prima.

Што чакаецца ад удзельнікаў(-ц):

• Не паказваць гэтую пастаноўку ў радыусе 80 км ад Равіга мінімум за 60 дзён да фестывалю і 30 дзён пасля яго;
• Падтрымліваць прасоўванне фестывалю праз свае каналы (сайт, сацсеткі, прэс-служба);
• Выконваць правілы фестывалю наконт часу і парадку мантажу;
• Паказаць пастаноўку ў дамоўлены дзень або дні.

Для заяўкі патрэбныя:

• Творчае CV кампаніі або артыста(-кі);
• Мастацкае апісанне пастаноўкі і тэхнічны райдар;
• Спасылка на поўнае відэа пастаноўкі; калі гэта будучая прэм'ера — на відэа рэпетыцый.

Адна група або адзін артыст(-ка) можа даслаць толькі адну заяўку. Відэа павінна адкрывацца па спасылцы для прагляду анлайн, без спампоўвання: файлаабменнікі накшталт WeTransfer або Google Drive не падыходзяць.

Таймлайн:

• Пасля адбору з кантактнымі асобамі абраных праектаў звяжуцца асабіста, а спіс абраных апублікуюць на сайце фестывалю — дата ва ўмовах не пазначаная;
• Паказы — 9–13 чэрвеня 2027 года.

Арганізатар:

Associazione Festival Opera Prima ETS. Фестываль заснавалі ў 1994 годзе, каб паказваць новае пакаленне незалежнага тэатра. Пасля перапынкаў у 2018 годзе людзі, звязаныя з яго гісторыяй, стварылі асацыяцыю і аднавілі фестываль