Для каго: дызайнеры(-кі), мастакі(-чкі), архітэктары(-кі), куратары(-кі), пісьменнікі(-цы), даследчыкі(-цы) ў гуманітарных і сацыяльных навуках.

Праграма адкрытая для ўдзельнікаў(-ц) з любой краіны і на розных этапах кар’еры. Падавацца можна індывідуальна або калектывам.

Магчымыя кірункі:

• Экалагічныя і сацыяльныя трансфармацыі;
• Кліматычная адаптацыя і экалагічная справядлівасць;
• Сувязь лакальнага і глабальнага;
• Міграцыі, энергія і рэсурсы;
• Супольнасці, лакальныя практыкі і грамадзянскі ўдзел;
• Змена ландшафтаў і асяроддзяў;
• Міжвідавыя адносіны і экасістэмы;
• Матэрыялы, рамесныя тэхнікі, паўторнае выкарыстанне, біяматэрыялы;
• Памяць, жывыя архівы і нематэрыяльная спадчына.

Тры фарматы рэзідэнцыі:

1. Даследаванне і эксперымент (6–8 тыдняў)

Для праектаў на этапе канцэпцыі, даследавання або прататыпавання.

2. Вытворчасць (2–6 тыдняў)

Для праектаў, якім патрэбныя рэсурсы Фундацыі, майстэрні і экасістэма для стварэння новых аб’ектаў.

3. Пісьмо і куратарства (2–4 тыдні, летам)

Для пісьменнікаў(-ц), куратараў(-ак), крытыкаў(-інь) і даследчыкаў(-ц), якім патрэбны час і прастора для літаратурнага, мастацкага, крытычнага або тэарэтычнага тэксту.

Прапануецца:

• Пражыванне ў прыватным пакоі за 10 хвілін пешшу ад Фундацыі;
• Абеды ў буднія дні;
• Пакрыццё дарогі: да 500 EUR для паездак па Францыі або да 1500 EUR для міжнароднай паездкі;
• Стыпендыя 375 EUR/тыдзень;
• Вытворчы бюджэт да 2500 EUR у залежнасці ад праекта;
• Доступ да майстэрняў, бібліятэкі і Living Archive;
• Прафесійная падтрымка каманды да, падчас і пасля рэзідэнцыі;
• Доступ да фотастудыі для дакументацыі працэсу;
• Прасоўванне праекта праз сайт і сацсеткі Фундацыі.

Стыпендыя 375 EUR/тыдзень складаецца з 175 EUR/тыдзень на жыццёвыя выдаткі і 200 EUR/тыдзень як працоўная стыпендыя.

Рэсурсы Фундацыі: у рэзідэнтаў(-ак) можа быць доступ да шкляной, дрэваапрацоўчай, керамічнай, тэкстыльнай майстэрняў, майстэрні формаў, Fablab, Living Archive і французска-англійскай бібліятэкі.

Што чакаецца:

• Фінальная прэзентацыя працэсу для публікі;
• Унёсак у Living Archive: прататыпы, узоры, вынікі працэсу, рэсурсы і кантакты;
• Падрыхтоўка display table у Almanac Lab;
• Арганізацыя ўпакоўкі і транспарціроўкі створаных аб’ектаў.

Заяўка павінна быць на французскай або англійскай мове і ўключаць:

• CV — да 2 старонак;
• Партфоліа / мастацкае дасье — да 20 старонак;
• Ліст намеру з апісаннем праекта і яго сувязі з фокусамі Фундацыі — да 2 старонак;
• Тэхнічнае апісанне праекта, патрэбаў і рэсурсаў — да 2 старонак;
• Таймлайн і прыкладны вытворчы бюджэт да 2500 EUR.

Усе матэрыялы трэба даслаць адным PDF-файлам да 20 MB.

Вынікі:

• Прэселекцыя — верасень 2026 года.
• Інтэрв’ю і фінальныя вынікі — кастрычнік 2026 года.