Для каго:

Мастакі(-чкі) з Грэцыі і з усяго свету, якія працуюць са скульптурай, інсталяцыяй, гукавой інсталяцыяй, змешанымі тэхнікамі, натуральнымі матэрыяламі, ленд-артам, экалагічным мастацтвам і практыкамі на стыку мастацтва і прыроды. Можна падавацца індывідуальна або дуэтам. Заяўнікам(-цам) мусіць быць больш за 18 гадоў.

Што прапануецца:

• Прэмія 15 000 EUR (для дуэта — адна сума на дваіх);
• Фонд пакрывае вытворчасць, транспарціроўку і мантаж працы паводле ўзгодненага бюджэту (для дуэта бюджэт таксама агульны);
• Адзін білет на Крыт і назад для абранага(-ай) мастака(-чкі);
• Адзін візіт у Minos Palace (Agios Nikolaos) да 10 дзён з пражываннем і харчаваннем, а таксама трансфер з аэрапорта;
• Падтрымка арт-дырэктара і каманды фонду, дапамога з матэрыяламі і тэхнічнымі ведамі;
• Адкрыццё, каталог і іншыя публікацыі, прасоўванне ў прэсе;
• Рэкамендацыйныя лісты для далейшага фінансавання.

Што чакаецца ад удзельнікаў(-ц):

• Прапанова мусіць тычыцца аднаго з трох прапанаваных месцаў — іх апісанне ёсць у дакуменце «Characteristics of the Proposed Sites»;
• Праца павінна быць новай;
• Пераможца абавязваецца стварыць працу з лютага па травень 2027 года і асабіста адказвае за ўсе этапы рэалізацыі;
• Праца становіцца часткай калекцыі фонду; фонд можа выкарыстоўваць матэрыялы пра яе на сайце, у прэсе і сацыяльных сетках;
• Падтрымку фонду трэба пазначаць ва ўсіх матэрыялах пра прэмію.

Для заяўкі патрэбныя:

• Асабістыя даныя (для дуэта — на абодвух);
• Кароткі расповед пра вашую практыку і даследчыя інтарэсы;
• Апісанне прапанаванай працы з эскізамі, штудыямі або фота (да 3 файлаў, агулам да 50 МБ);
• CV (да 10 МБ);
• Партфоліа (да 50 МБ);
• Спасылкі на сайт і сацыяльныя сеткі.

Бюджэт вытворчасці папросяць пазней — толькі ў фіналістаў(-ак).

Таймлайн:

• Да 15 лютага 2027 года — фіналістам(-кам) паведамяць асабіста (калі ліста няма, заяўка не прайшла);
• Люты – травень 2027 года — стварэнне працы;
• Чэрвень 2027 года — публічнае адкрыццё.

PDF(знешні сайт)

Кантакт: info@gnamamidakisfoundation.org