Для каго:
Мастакі(-чкі), калектывы, кампаніі і прафесіяналы(-кі), якія працуюць з танцам, live мастацтвамі, целам, рухам, харэаграфічным мысленнем, сцэнічнай прасторай і новымі перфарматыўнымі фарматамі.

Для міжнародных заяўнікаў(-ц) ёсць асобная катэгорыя International. Катэгорыя International прызначаная для даследчыкаў(-ц), мастакоў(-чак) і калектываў, якія базуюцца па-за Іспаніяй, развіваюць практыку пераважна ў міжнародным кантэксце і не маюць пастаяннай сувязі з каталонскай або іспанскай мастацкай сцэнай.

Катэгорыі падтрымкі:

• Associated Artist — 1 месца, 12 000 EUR на 2 гады, для мастакоў(-чак) і калектываў з Каталоніі;
• Creation — 3 месцы, 6 000 EUR, для праектаў у фазе стварэння;
• Barcelona Crea Research — 2 месцы, 6 000 EUR, для даследчых праектаў з сувяззю з Барселонай;
• Barcelona Crea Critical Thinking — 1 месца, 6 000 EUR, для тэарэтычных, крытычных або дыскурсіўных праектаў;
• International — 1 месца, 3 000 EUR, для міжнародных мастакоў(-чак) і калектываў, чыя практыка развіваецца пераважна па-за Іспаніяй;
• Stage Research — 1 месца, 3 000 EUR, для даследавання сцэнічнай прасторы, святла, гуку, відэа або сцэнаграфіі;
• Emerging Artists — 2 месцы, 3 000 EUR, для мастакоў(-чак) з Каталоніі на раннім этапе;
• Practical Methodologies — 1 месца, 3 000 EUR, для праектаў пра ўласныя метадалогіі працы з целам і супольнасцямі.

Важна: можна падацца максімум на 2 катэгорыі. Але калі вы падаецеся на International, нельга падавацца на іншыя катэгорыі гэтага набору. Атрымаць можна толькі адзін грант.

Што прапануе Graner:

• працоўную прастору;
• фінансавую падтрымку;
• мастацкае суправаджэнне;
• магчымасць тэхнічнай рэзідэнцыі для асобных катэгорый;
• доступ да агульнай працоўнай прасторы, камп’ютара, прынтара, сканера, кухні і зон адпачынку;
• удзел у лабараторыях, варкшопах, семінарах, адукацыйных і лакальных праграмах;
• камунікацыйную падтрымку і бачнасць на сайце і ў сацсетках Graner;
• пакрыццё дарогі толькі для ўдзелу ў двух штогадовых сустрэчах APLEC — для нацыянальных і еўрапейскіх паездак.

Перыяд праектаў:

Праекты павінны рэалізоўвацца паміж студзенем і снежнем 2027 года. Працягласць рэзідэнцыі залежыць ад катэгорыі: ад 2 да 6 тыдняў, не абавязкова запар. У 2027 годзе ў Graner будуць праходзіць рамонтныя працы, якія могуць уплываць на выкарыстанне студый.

Для заяўкі патрэбныя:
Дакументы залежаць ад катэгорыі, але звычайна патрэбныя:

• запоўненая і падпісаная форма;
• artistic statement / project statement да 2 000 словаў;
• CV або наратыўная біяграфія;
• папярэдні працоўны графік у Graner;
• відэа з працэсу, калі ёсць;
• спасылкі максімум на 2 папярэднія працы;
• спіс партнёраў, суарганізатараў або рэзідэнцый, калі ёсць.

Заяўкі падаюцца анлайн праз асобную форму для кожнай катэгорыі.

Поўныя ўмовы