Для каго:

• Прафесійныя мастакі(-чкі), якія працуюць у любых дысцыплінах сучаснага мастацтва;
• Абавязковая ўмова — жыць або пераважна працаваць у Германіі, Польшчы ці Чэхіі;
• Падаюцца як асобныя аўтары(-кі), так і калектывы.

Адпраўны пункт выставы — трансфармацыя рэгіёна пасля адмовы ад здабычы буравугалля. Тут ствараецца Нямецкі цэнтр астрафізікі (DZA), у тым ліку Low Seismic Lab на глыбіні каля 200 метраў у гранітным масіве. Арганізатараў цікавяць не толькі астрафізічныя з’явы, але і адносіны паміж ландшафтам і космасам, геалагічнай глыбінёй і касмічнай далечынёй, матэрыяльнасцю і данымі, тэхнічным вымярэннем і чалавечым успрыманнем — а таксама ўяўленні пра паходжанне свету, час і будучыню, бачнае і нябачнае, культурныя, філасофскія і фантастычныя аповеды пра Зямлю і космас.

Што прымаюць: праекты ў любых медыя — малюнак, фатаграфія, скульптура, інсталяцыя, відэа, гук, перформанс, жывапіс, а таксама эксперыментальныя фарматы. Разглядаюцца:

• Ужо існуючыя працы;
• Канцэпцыі новых работ, якія паспеюць зрабіць да выставы;
• Праекты, звязаныя з месцам, створаныя ў Гёрліцы і/або ў супрацы з DZA.

Арганізатары гатовыя звязаць аўтараў(-ак) з навукоўцамі DZA і адкрыць доступ да даследчых працэсаў, размоваў і асобных матэрыялаў — сейсмічных вымярэнняў, гукавых запісаў, візуалізацый. Супраца з DZA — прапанова, а не ўмова падачы.

Прапануецца (пры ўмове, што заяўка на фінансаванне будзе задаволеная):

• Ганарар 800 EUR за кожны адабраны твор;
• Кампенсацыя дарогі — да 80 EUR;
• Фіксаваная кампенсацыя пражывання — да 200 EUR;
• Транспарціроўка твораў — па папярэдняй дамове.

Калі і дзе: Kunsthalle Görlitz, Гёрліц, Германія. Адкрыццё — 17 верасня 2027 года, выстава працуе з 18 верасня па 31 кастрычніка 2027 года. Пра вынікі адбору паведамяць у канцы жніўня 2026 года.

Для падачы патрэбны адзін PDF-файл памерам не больш за 10 МБ, які змяшчае:

• Інфарматыўныя візуалізацыі задуманай працы або канцэпцыі;
• Кароткае апісанне праекта і мастацкага кантэксту;
• Тэхнічныя характарыстыкі: памеры, вага, патрэбы ў сілкаванні, адмысловыя ўмовы;
• Кароткае рэзюмэ.

Як падавацца: даслаць PDF на opencall@ncca.eu з тэмай ліста «Granit & Gravitation». Камунікацыя падчас падачы і адбору вядзецца па-англійску або па-нямецку.

Арганізатар: Kunsthalle Görlitz — выставачная прастора сучаснага мастацтва на памежжы Германіі, Польшчы і Чэхіі (каля 360 м²), якую вядуць два валанцёрскія некамерцыйныя аб’яднанні: STRE!FEN e.V. і Neisse Centre for Contemporary Arts e.V. Выстава рыхтуецца ў супрацы з Нямецкім цэнтрам астрафізікі (DZA).