Аўстрыйскі офіс сучаснага мастацтва Phileas запрашае музеі, біенале і іншыя некамерцыйныя арт-інстытуцыі па-за межамі Аўстрыі падаць заяўкі на гранты для рэалізацыі міжнародных праектаў у 2027 годзе.

Фінансаванне прызначана для праектаў, якія прэзентуюць працы аўстрыйскіх мастакоў або аўтараў, якія базуюцца ў Аўстрыі. За апошнія дзесяць гадоў арганізацыя падтрымала 154 праекты па ўсім свеце, што дазволіла стварыць больш за 270 новых твораў мастацтва.

Асноўныя патрабаванні да заяўнікаў:

• Заяўкі прымаюцца толькі ад некамерцыйных мастацкіх арганізацый па-за межамі Аўстрыі.
• Праект павінен прадстаўляць працы аўстрыйскага мастака або мастака, які жыве і працуе ў Аўстрыі.
• Праект павінен стартаваць у 2027 годзе.